કોંગ્રેસે મહિલા અનામતના મુદ્દા પર કેન્દ્ર સરકાર સામે મોરચો શરૂ કર્યો છે. મંગળવારે, કોંગ્રેસે ફરી એકવાર સરકાર પાસે સર્વપક્ષીય બેઠક બોલાવવાની માંગ કરી. પાર્ટી કહે છે કે સરકારે વર્તમાન લોકસભા સભ્યપદની સાથે મહિલા ક્વોટા લાગુ કરવા અંગે ચર્ચા કરવી જોઈએ. પાર્ટીએ કહ્યું કે વડા પ્રધાન માટે તેમના પાપોનું પ્રાયશ્ચિત કરવાનો સમય આવી ગયો છે. કોંગ્રેસે આરોપ લગાવ્યો કે પીએમ મોદીએ તેમના રાજકીય એજન્ડા માટે દેશની મહિલાઓનું શોષણ કર્યું છે.
કોંગ્રેસના મહાસચિવ જયરામ રમેશે સોશિયલ મીડિયા પ્લેટફોર્મ એકસ પર પોતાના વિચારો વ્યક્ત કર્યા. તેમણે કહ્યું કે ચૂંટણી પ્રચાર હવે સમાપ્ત થઈ ગયો છે. તેમણે કહ્યું કે વિપક્ષની એકતાને કારણે, પીએમની યુક્તિ નિષ્ફળ ગઈ છે. હવે, વડા પ્રધાને તે કરવું જોઈએ જે વિપક્ષ માર્ચ ૨૦૨૬ થી માંગ કરી રહ્યું છે.
રમેશે કહ્યું કે સરકારે તાત્કાલિક સર્વપક્ષીય બેઠક બોલાવવી જોઈએ. આ બેઠકમાં ‘નારી શક્તિ વંદન અધિનિયમ ૨૦૨૩’ ના અમલીકરણ પર ચર્ચા થવી જોઈએ. તેમણે કહ્યું કે તેને ૨૦૨૯ થી હાલની બેઠકો માટે અસરકારક બનાવવો જાઈએ. તેમણે યાદ અપાવ્યું કે આ કાયદો ૧૬ એપ્રિલ, ૨૦૨૬ ના રોજ મોડી રાત્રે ગભરાટમાં સૂચિત કરવામાં આવ્યો હતો. કોંગ્રેસના નેતાના મતે, હાલની સંખ્યા સાથે અનામત પ્રદાન કરવું શક્્ય અને જરૂરી બંને છે. તેમણે આરોપ લગાવ્યો કે સંસદના ખાસ સત્રમાં મહિલા અનામત ક્્યારેય મુખ્ય મુદ્દો નહોતો.
કોંગ્રેસનો આરોપ છે કે સરકારનો વાસ્તવિક હેતુ ફક્ત સીમાંકન લાગુ કરવાનો હતો. રમેશે કહ્યું કે સીમાંકન યોજના વડાપ્રધાનના રાજકીય અસ્તીત્વને બચાવવા માટે રમાઈ હતી. તેમણે કહ્યું કે પ્રધાનમંત્રીએ હવે મહિલાઓને ન્યાય મળે તે માટે તેમની રણનીતિ બદલવી જાઈએ. કોંગ્રેસે ચોમાસુ સત્રમાં અથવા તે પહેલાં બિલ રજૂ કરીને હાલની બેઠકો પર ક્વોટા લાગુ કરવાની માંગ કરી છે. વિપક્ષ શરૂઆતથી જ મહિલા અનામતની આડમાં સીમાંકન લાદવાનો વિરોધ કરી રહ્યો છે.
