ભારતનો સ્ટાઇલિશ બેટ્સમેન શ્રેયસ ઐયર ફક્ત બે અઠવાડિયાની અંદર બીજી મોટી ફાઇનલ રમવા જઈ રહ્યો છે. તાજેતરમાં આઇપીએલ ૨૦૨૫ ની ફાઇનલ હારી ગયેલા પંજાબ કિંગ્સના કેપ્ટન શ્રેયસ ઐયર બીજી લીગની ફાઇનલમાં પહોંચી ગયા છે. આ વખતે તેણે પોતાની ટીમને ટી ૨૦ મુંબઈ ૨૦૨૫ ની ફાઇનલમાં પહોંચાડી છે.આઇપીએલ ૨૦૨૫ ની ફાઇનલ રમ્યા બાદ, ઐયર હવે ટી ૨૦ મુંબઈ ૨૦૨૫ ની ફાઇનલમાં તેની ટીમ એસઓબીઓ મુંબઈ ફાલ્કન્સનું નેતૃત્વ કરતો જોવા મળશે. આવી સ્થિતિમાં,આઇપીલ ૨૦૨૫ ટ્રોફી ગુમાવ્યા બાદ, ઐયર પાસે ટાઇટલ જીતવાની બીજી મોટી તક હશે.
શ્રેયસ ઐયર ૩ જૂને રમાયેલી આઇપીએલ ૨૦૨૫ ની ફાઇનલમાં પંજાબ કિંગ્સનો કેપ્ટન હતો. તે મોટી મેચમાં, તેની ટીમ રોયલ ચેલેન્જર્સ બેંગ્લોરનો સામનો કરી હતી. જાકે, પંજાબ કિંગ્સને તે મેચમાં હારનો સામનો કરવો પડ્યો હતો અને શ્રેયસના હાથમાંથી ટાઇટલ સરકી ગયું હતું. પરંતુ આઇપીએલ ૨૦૨૫ ની ફાઇનલના થોડા દિવસો પછી ટી ૨૦ મુંબઈ લીગમાં, ઐયરે પોતાની કેપ્ટનશીપ હેઠળ શાનદાર પ્રદર્શન કર્યું છે અને એસઓબીઓ મુંબઈ ફાલ્કન્સને ટુર્નામેન્ટની ફાઇનલમાં પહોંચાડ્યું છે. હવે ૧૨ જૂને રમાનારી આ ફાઇનલમાં, તેમની ટીમ સાઉથ સેન્ટ્રલ મરાઠા રોયલ્સનો સામનો કરશે.
આ સિઝનમાં, સોબો મુંબઈ ફાલ્કન્સે શ્રેયસ ઐયરના નેતૃત્વમાં ઉત્તમ ક્રિકેટ રમી છે. ટી ૨૦ મુંબઈ લીગ ૪ જૂને,આઇપીએલ ફાઇનલના બીજા જ દિવસે શરૂ થઈ હતી. ટીમે લીગ તબક્કામાં ૫ માંથી ૪ મેચમાં શાનદાર જીત નોંધાવીને પ્લેઓફમાં સ્થાન મેળવ્યું હતું. ટીમે સેમિફાઇનલ મેચમાં પણ જારદાર પ્રદર્શન કર્યું હતું અને નમો બાન્દ્રા બ્લાસ્ટર્સને ૫ વિકેટથી હરાવીને ફાઇનલમાં સ્થાન મેળવ્યું હતું. પ્રથમ બેટિંગ કરતા, નમો બાન્દ્રા બ્લાસ્ટર્સ ૨૦ ઓવરમાં ૧૦ વિકેટ ગુમાવીને માત્ર ૧૩૦ રન બનાવી શક્્યું હતું. આ પછી, સોબો મુંબઈએ ૧૩૧ રનનો લક્ષ્યાંક ૧૪.૪ ઓવરમાં ૫ વિકેટ ગુમાવીને પ્રાપ્ત કર્યો. ઈશાન મુલચંદાનીએ અણનમ ૫૨ રન બનાવ્યા.
શ્રેયસ ઐયર માટે આ તક ખૂબ જ મહત્વપૂર્ણ છે. આઇપીએલ ૨૦૨૫ ની ટ્રોફી તેમના હાથમાંથી સરકી ગયા પછી, હવે તેમની પાસે તેમની કેપ્ટનશીપ હેઠળ ટ્રોફી ઉપાડવાની બીજી તક છે. ટી ૨૦ મુંબઈ લીગ ભલે આઇપીએલ જેટલી મોટી ન હોય, પરંતુ મુંબઈના સ્થાનિક ક્રિકેટ વર્તુળોમાં તેનું મહત્વ ખૂબ જ ખાસ છે. જા ઐયર તેમની ટીમને ટાઇટલ અપાવવામાં સફળ થાય છે, તો તે તેમની કારકિર્દી અને આત્મવિશ્વાસ બંને માટે મોટો વધારો સાબિત થશે.ટી ૨૦ મુંબઈ ૨૦૨૫ ની ફાઇનલ મેચ ૧૨ જૂને સાંજે ૭.૩૦ વાગ્યે મુંબઈના ઐતિહાસિક વાનખેડે સ્ટેડિયમ ખાતે રમાશે.
