કોંગ્રેસ નેતા રાહુલ ગાંધીએ વડાપ્રધાન મોદીના બુસ્ટર ડોઝ આપવાના નિર્ણય પર ખુશી વ્યક્ત કરી છે. તેમણે રવિવારે સવારે ટ્વીટ કરીને કહ્યું- કેન્દ્ર સરકારે બૂસ્ટર ડોઝના મારા સૂચનને સ્વીકારી લીધું છે. આ એક યોગ્ય પગલું છે. રસી અને બૂસ્ટરની સુરક્ષા દેશના લોકો સુધી પહોંચવી પડશે. રાહુલ ગાંધી સમયાંતરે બુસ્ટર ડોઝ આપવાની માંગ કરી રહ્યા છે. ૨૨ ડિસેમ્બરે પણ ભારતના રસીકરણનો ચાર્ટ રજૂ કરતી વખતે તેમણે પ્રશ્ન પૂછ્યો હતો કે દેશમાં બૂસ્ટર ડોઝ ક્યારે શરૂ થશે. બીજી તરફ ટીએમસી સાંસદ મહુઆ મોઇત્રાએ પણ ટ્‌વીટ કર્યું અને લખ્યું – માનનીય વડાપ્રધાને મારી વાત સાંભળી અને ફ્રન્ટલાઈનર્સ અને ૬૦ થી ઉપર વાળા લોકો માટે બૂસ્ટર ડોઝની જાહેરાત કરી. જા કે રાહુલ અને મહુઆના ટ્વીટ પર લોકોએ બંનેને ટ્રોલ કર્યા હતા. લોકોએ કહ્યું- પહેલા નક્કી કરો કે પીએમ કોની વાત માને છે.

સુગંધા ભારદ્વાજ નામના યુઝરે રાહુલના ટ્‌વીટ પર કહ્યું- મહુઆ પણ બૂસ્ટર ડોઝનો શ્રેય લેવાનો પ્રયાસ કરી રહ્યા છે. ઉદિત રાજ અને ચેતન ભગત પણ આ જ ગીત ગાઈ રહ્યા હશે. તમે સૌ પહેલા કેમ નક્કી નથી કરતા કે વડાપ્રધાને કોની વાત સાંભળી છે. અન્ય એક યુઝરે લખ્યું – સારી વાત એ છે કે તમે લોકોએ પણ સ્વીકારી લીધું છે કે કરશે તો મોદી!! અને તમને કેટલા સારા દિવસો જાઈએ છે? વિરોધ ખોલતાની સાથે જ તેમની સમગ્ર માંગ સ્વીકારવામાં આવી રહી છે. રાજીવ નામના યૂઝરે લખ્યું- મોદીજી તમારી વાત સાંભળીને તમારું પણ ધ્યાન રાખ્યું છેપ હવે મહેરબાની કરીને તમે પણ વેક્સિન લગાવી લો.

દેશમાં વધી રહેલા કોરોનાના નવા વેરિયન્ટ ઓમિક્રોનને લઈને શનિવારે વડાપ્રધાન નરેન્દ્ર મોદીએ ૩ જાન્યુઆરીથી બાળકો માટે રસીકરણની શરૂઆત કરી હતી અને ૧૦ જાન્યુઆરીથી આરોગ્ય સંભાળ અને ફ્રન્ટલાઈન વર્કર્સને બૂસ્ટર ડોઝ આપવા સાથે રસીકરણ શરૂ કર્યું હતું. કરવાનું કહ્યું આ સિવાય ૬૦ વર્ષથી વધુ ઉંમરના ગંભીર રોગોથી પીડિત લોકો માટે ત્રીજા ડોઝ પણ મંજૂર કરવામાં આવ્યો છે.

વડાપ્રધાન મોદીએ કહ્યું હતું કે કેન્દ્રની યોજના હેઠળ ૧૫ થી ૧૮ વર્ષની વયના બાળકોનું હવે દેશમાં રસીકરણ શરૂ થશે. ૩જી જાન્યુઆરીથી શરૂ કરવાની સાથે જ ૧૦ જાન્યુઆરીથી આરોગ્ય સંભાળ અને ફ્રન્ટલાઈન કાર્યકરોને રસીનો બૂસ્ટર ડોઝ આપવામાં આવશે.

વડા પ્રધાન મોદીએ કહ્યું હતું – ૬૦ વર્ષથી વધુ ઉંમરના તમામ લોકોને, જેમણે કિડની, લિવર અથવા અન્ય કોઈ ટ્રાન્સપ્લાન્ટ કરાવ્યું છે, તેમને ત્રીજા બૂસ્ટર ડોઝ આપવામાં આવશે. જેમાં કેન્સરના દર્દીઓ અને સ્ટેમ સેલ ટ્રાન્સપ્લાન્ટના દર્દીઓનો સમાવેશ થાય છે.