ઉત્તરપ્રદેશના મુખ્યપ્રધાન યોગી આદિત્યનાથે અલીગઢની ખેર વિધાનસભા બેઠક પર ચૂંટણી સભાને સંબોધિત કરતા વિપક્ષો પર મોટા પ્રહારો કર્યા હતા. આ દરમિયાન સીએમ યોગીએ કહ્યું કે અલીગઢ મુસ્લીમ યુનિવર્સિટી (એએમયુ) કેન્દ્રના પૈસાથી ચાલે છે, પરંતુ તેઓ વંચિત અને પછાત લોકોને અનામત આપી રહ્યા નથી.
મુખ્યમંત્રીએ કહ્યું કે અલીગઢ કેવું હોવું જોઈએ તેમાં ખેરનો રોલ શું હોવો જોઈએ? હું તમારી વચ્ચે આ વિશે ચર્ચા કરવા આવ્યો છું. મુખ્યપ્રધાન યોગી આદિત્યનાથે કહ્યું કે કેન્દ્ર સરકારના પૈસાથી ચાલતી કેન્દ્રીય સંસ્થા મુસ્લીમોને ૫૦ ટકા અનામત આપે છે, પરંતુ એસસી,એસટી,ઓબીસી અને અન્ય જાતિઓને ત્યાં અનામત મળતી નથી. મંડલ કમિશનના અહેવાલના આધારે એસસી-એસટી સમુદાયને અનામતની સુવિધા ઉપલબ્ધ છે, પરંતુ એએમયુમાં આ કરવામાં આવતું નથી.
અલીગઢ મુસ્લીમ યુનિવર્સિટીમાં અનામત આપવામાં આવતી નથી. જ્યારે ભારત સરકારના પૈસા યુનિવર્સિટીઓમાં રોકવામાં આવે છે, ત્યારે એસસી-એસટી અને પછાત જાતિના બાળકોને નોકરી અને શિક્ષણમાં અનામતનો લાભ મળવો જાઈએ. તેમણે કહ્યું કે કોંગ્રેસ, સમાજવાદી પાર્ટી અને બસપા તેમની વોટ બેંક બચાવવા માટે તમારી ભાવનાઓ, રાષ્ટ્રીય એકતા અને અખંડિતતા સાથે સમાધાન કરી રહ્યા છે.
મુખ્યપ્રધાન યોગી આદિત્યનાથે વધુમાં કહ્યું કે અમે અયોધ્યામાં રામજીનો વનવાસ જાયો, મથુરાનો કેસ અમારી સામે છે. આપણી માતાઓ અને બહેનો સાથે જે કંઈ થયું છે, જા આટલું બધું હોવા છતાં આપણે આંખે પાટા બાંધીને જાતિના આધારે વિભાજિત થઈએ તો અલગ થવા સિવાય બીજી કોઈ નીતિ હોઈ શકે નહીં. તેમણે કહ્યું કે હું તમને ભાગલા ના પાડવાનું કહેવા આવ્યો છું, આ વહેંચવાવાળા તમારા દુશ્મન છે, તેઓ તમારી સામે સારી સારી વાતો કરશે, તેમનાથી ગેરમાર્ગે દોરાશો નહીં. જા તમે વહેંચાઈ જશો તો તમે વિભાજિત થશો, જા તમે એકતામાં રહેશો તો તમે સુરક્ષિત રહેશો.
