વડા પ્રધાન નરેન્દ્ર મોદીએ ગઈકાલે કટરા-શ્રીનગર રૂટ માટે ટ્રેનને લીલી ઝંડી બતાવ્યા પછી, પહેલી વંદે ભારત એક્સપ્રેસ ટ્રેન શ્રીનગરથી કટરા માટે રવાના થઈ. આજે સામાન્ય લોકોએ આ ટ્રેનમાં મુસાફરી કરી. ટ્રેનમાં મુસાફરી કરતા મુસાફરોની પ્રતિક્રિયાઓ સામે આવી છે. તેઓ કહે છે કે આ એક મહાન સુવિધા છે. લોકો આ ટ્રેન સેવા શરૂ થવા પર ખુશી વ્યક્ત કરી રહ્યા છે.
વંદે ભારત એક્સપ્રેસ ટ્રેન દ્વારા કટરાથી શ્રીનગર આવતા મુસાફર મહેશ કુમારે કહ્યું, “આ બધા મુસાફરો, પ્રવાસીઓ, કામ માટે આવતા લોકો માટે પણ એક મહાન સુવિધા છે. આ વિમાનનો સારો વિકલ્પ છે કારણ કે વિમાન દ્વારા તેટલો જ સમય લે છે. શ્રીનગર અને કાશ્મીરને બાકીના ભારત સાથે જાડવા માટે આ એક મહાન પહેલ છે. સરકારે ખૂબ સારું કામ કર્યું છે. આનાથી પર્યટનમાં ઘણો વધારો થશે. આનાથી બાળકો અને મહિલાઓ માટે મુસાફરી કરવાનું વધુ અનુકૂળ બનશે.” પીએમ મોદીએ અમારા ઘણા વર્ષોના સ્વપ્નને પૂર્ણ કર્યુંઃ મુસાફર વંદે ભારત એક્સપ્રેસ ટ્રેન દ્વારા કટરા જતી મુસાફર નીતુ કપૂરે કહ્યું, “અમને આશા હતી કે એક દિવસ વંદે ભારત ટ્રેન કાશ્મીરમાં પણ દોડશે. આ અમારું ઘણા વર્ષોનું સ્વપ્ન હતું અને પીએમ મોદીએ આખરે તેને પૂર્ણ કર્યું છે. વંદે ભારતથી કાશ્મીરને ઘણો ફાયદો થશે. પહેલા અમને કટરા પહોંચવામાં છ કલાક લાગતા હતા. હવે ફક્ત ત્રણ કલાક લાગશે.”
પહેલી ટ્રેન (૨૬૦૪૧) શ્રી માતા વૈષ્ણોદેવી કટરા સ્ટેશનથી સવારે ૮ઃ૧૦ વાગ્યે ઉપડશે અને સવારે ૧૦ વાગ્યે બનિહાલ પહોંચશે. આ પછી, આ ટ્રેન સવારે ૧૧ઃ૧૦ વાગ્યે શ્રીનગર પહોંચશે. તેવી જ રીતે, બીજી ટ્રેન (૨૬૪૦૩) શ્રી માતા વૈષ્ણોદેવી કટરાથી બપોરે ૨ઃ૫૫ વાગ્યે ઉપડશે. તે બનિહાલ થઈને સાંજે ૬ વાગ્યે શ્રીનગર પહોંચશે. પરત ફરતી વખતે, ટ્રેન નંબર ૨૬૪૦૨, જે વંદે ભારત જમ્મુ તાવી એક્સપ્રેસ છે, શ્રીનગર સ્ટેશનથી બપોરે ૨ વાગ્યે ઉપડશે. તે બનિહાલ સ્ટેશન બપોરે ૩ઃ૧૦ વાગ્યે અને શ્રી માતા વૈષ્ણો દેવી કટરા સ્ટેશન સાંજે ૫ઃ૦૫ વાગ્યે પહોંચશે.
તેવી જ રીતે, ટ્રેન નંબર ૨૬૪૦૪, શ્રીનગર જમ્મુ તાવી વંદે ભારત એક્સપ્રેસ, શ્રીનગર સ્ટેશનથી સવારે ૮ વાગ્યે ઉપડશે. આ ટ્રેન સવારે ૯ઃ૦૨ વાગ્યે અને શ્રી માતા વૈષ્ણો દેવી કટરા સવારે ૧૧ઃ૦૫ વાગ્યે પહોંચશે.
શ્રીનગરથી કટરા વચ્ચે ચેર કારનું ભાડું તમામ ચાર્જ સહિત ૭૧૫ રૂપિયા રહેશે, જ્યારે એક્ઝીક્યુટિવ ક્લાસનું ભાડું ૧૩૨૦ રૂપિયા નક્કી કરવામાં આવ્યું છે. બંને નવી વંદે ભારત એક્સપ્રેસના સંચાલન પછી, જમ્મુ અને કાશ્મીરમાં કુલ ચાર વંદે ભારત ટ્રેન દોડવાનું શરૂ થશે. અગાઉ, જમ્મુ અને કાશ્મીરમાં નવી દિલ્હી અને કટરા વચ્ચે બે વંદે ભારત ટ્રેન દોડી રહી છે.
