સમગ્ર દેશ પોતાની આગવી શૈલીમાં નવા વર્ષની ઉજવણીમાં ડૂબી ગયો છે. બીજી તરફ, કાર્તિક આર્યન વર્ષ ૨૦૨૫ ના પહેલા દિવસે સિદ્ધિવિનાયક મંદિર ગયો હતો અને ભગવાન પબાસે આશીર્વાદ માંગ્યા હતા. તેની તાજેતરની ઇવેન્ટમાં તેની દાઢીએ બધાનું ધ્યાન ખેંચ્યું હતું. અભિનેતાના ફેન્સ સોશિયલ મીડિયા પર તેનો લુક ખૂબ પસંદ કરી રહ્યા છે.
૧ જાન્યુઆરી એટલે કે નવા વર્ષના દિવસે, કાર્તિક આર્યન ભગવાન ગણેશના આશીર્વાદ લેવા માટે મુંબઈના સિદ્ધિવિનાયક મંદિરની મુલાકાત લેતા જોવા મળ્યા હતા. પેપ્સ દ્વારા શેર કરવામાં આવેલા વીડિયોમાં અભિનેતા હાથ જોડીને મંદિર પરિસરમાં પ્રવેશતો જોવા મળ્યો હતો. પૂજા કર્યા પછી અને મંદિરની બહાર આવ્યા પછી, કાર્તિક તેના ગળામાં લાલ અને પીળો દુપટ્ટો પહેરેલો જોવા મળ્યો હતો. અભિનેતાએ તેના કપાળ પર તિલક પણ લગાવ્યું હતું.
આ વર્ષ ૨૦૨૪ કાર્તિક આર્યન માટે બે ફિલ્મો, ચંદુ ચેમ્પિયન અને ભૂલ ભુલૈયા ૩ સાથે ખૂબ મહત્વનું હતું. જ્યારે બાયોપિકમાં તેના મજબૂત અભિનયની ચાહકો દ્વારા પ્રશંસા કરવામાં આવી હતી, ત્યારે હોરર-કોમેડી પણ તેના મનોરંજનના ડોઝ માટે વખાણવામાં આવી હતી. વ્યાવસાયિક જીવન વિશે વાત કરતાં, મિડ-ડેના તાજેતરના અહેવાલમાં જણાવાયું છે કે અભિનેતાએ ગયા અઠવાડિયે અંધેરીમાં બે મિલકતો ખરીદી છે.
કાર્તિકે તાજેતરમાં કરણ જોહર સાથેની ફિલ્મ ‘તુ મેરી મેં તેરા મેં તેરા તુ મેરી’ની જાહેરાત કરી હતી. આ ફિલ્મનું નિર્દેશન સત્યપ્રેમ કી કથા ફેમ સમીર વિદ્વાંસ કરશે. આ ફિલ્મ ધર્મા પ્રોડક્શન્સ અને નમહ પિક્ચર્સ દ્વારા પ્રસ્તુત છે અને કરણ જોહર, અદાર પૂનાવાલા, અપૂર્વ મહેતા, શેરીન મંત્રી કેડિયા અને કિશોર અરોરા દ્વારા નિર્મિત છે. તે ૨૦૨૬માં સિનેમાઘરોમાં આવશે. આ સિવાય કાર્તિક પાસે કરણ જોહર સાથે બીજી ફિલ્મ પણ છે જે ૧૫ ઓગસ્ટ ૨૦૨૫ના રોજ રિલીઝ થવાની છે.
