ભારતના દિગ્ગજ સ્થાનિક બેટ્સમેન, કરુણ નાયર, આગામી રણજી ટ્રોફીમાં તેની ભૂતપૂર્વ ટીમ માટે રમશે. તે બે સિઝનના વિરામ પછી કર્ણાટક ટીમમાં પાછો ફરવા માટે તૈયાર છે. નાયરને ૧૫ ઓક્ટોબરથી રાજકોટમાં શરૂ થનારી સૌરાષ્ટ્ર સામેની સિઝનની પ્રથમ રણજી ટ્રોફી મેચ માટે કર્ણાટક ટીમમાં સામેલ કરવામાં આવ્યો છે. અગાઉ, નાયર બે સિઝન માટે વિદર્ભ ટીમનો ભાગ હતા. વિદર્ભ સાથેના તેમના કાર્યકાળ દરમિયાન, તેમણે ગયા સિઝનમાં ટીમની રણજી ટ્રોફી જીતમાં મુખ્ય ભૂમિકા ભજવી હતી.કરુણ નાયર આ સિઝનમાં મયંક અગ્રવાલની કેપ્ટનશીપમાં રમશે. કર્ણાટકે આગામી રણજી ટ્રોફી મેચ માટે ટીમમાં કૃતિકા કૃષ્ણા, શિખર શેટ્ટી અને મોહસીન ખાન જેવા કેટલાક નવા ખેલાડીઓનો ઉમેરો કર્યો છે. સૌરાષ્ટ્ર સામેની પહેલી મેચમાં ટીમ આ બધા ખેલાડીઓ સાથે કેવું પ્રદર્શન કરે છે તે જાવું રસપ્રદ રહેશે. ફર્સ્ટ-ક્લાસ ક્રિકેટમાં નાયરના પ્રદર્શનની વાત કરીએ તો, તેણે ૧૨૦ મેચોમાં ૪૮.૭૩ ની સરેરાશથી ૮૬૭૫ રન બનાવ્યા છે, જેમાં ૨૪ સદી અને ૩૭ અડધી સદી ફટકારી છે.ભૂતપૂર્વ ભારતીય બેટિંગ દિગ્ગજ રાહુલ દ્રવિડના પુત્ર અન્વય દ્રવિડને વિનુ માંકડ ટ્રોફી માટે કર્ણાટક ટીમના કેપ્ટન તરીકે નિયુક્ત કરવામાં આવ્યા છે. આ ટુર્નામેન્ટ ૯ થી ૧૭ ઓક્ટોબર સુધી દેહરાદૂન ખાતે રમાશે. ટૂર્નામેન્ટની છેલ્લી આવૃત્તિમાં દ્રવિડ તેની ટીમ માટે સૌથી વધુ રન બનાવનાર ખેલાડી હતો. તેની કેપ્ટનશીપ હેઠળ, કર્ણાટક આ ટુર્નામેન્ટમાં સારું પ્રદર્શન કરવા માટે પ્રયત્નશીલ રહેશે.કર્ણાટકની રણજી ટ્રોફી ટીમઃ મયંક અગ્રવાલ (કેપ્ટન), કરુણ નાયર, આર. સ્મરણ, કે.એલ. શ્રીજીત (વિકેટકીપર), શ્રેયસ ગોપાલ, વિશાખ વિજયકુમાર, વિદ્વાથ કવેરપ્પા, અભિલાષ શેટ્ટી, એમ. વેંકટેશ, નિકિન જાસ, અભિનવ મનોહર, કૃતિક કૃષ્ણા (વિકેટકીપર), કે.વી. અનિશ, મોહસીન ખાન, શિખર શેટ્ટી.વિનુ માંકડ ટ્રોફી માટે કર્ણાટકની ટીમઃ અન્વય દ્રવિડ (કેપ્ટન, વિકેટકીપર), નીતીશ આર્ય, આદર્શ ડી ઉર્સ, એસ મણિકાંત (વાઈસ-કેપ્ટન), પ્રણિત શેટ્ટી, વસાવા વેંકટેશ, અક્ષત પ્રભાકર, સી વૈભવ, કુલદીપ સિંહ પુરોહિત, રાણાવશ શર્મા, અથવેશ શર્મા, રાવતનસિંહ માલવિયા, સની કાંચી, રેહાન મોહમ્મદ (વિકેટકીપર)
