સનરાઇઝર્સ હૈદરાબાદે આઇપીએલ ૨૦૨૬ સીઝનમાં અત્યાર સુધીમાં બે મેચ રમી છે, જેમાં એક જીતી અને બીજી હારનો સામનો કરવો પડ્યો છે. ઇશાન કિશનએ આ બંને મેચમાં સનરાઇઝર્સ હૈદરાબાદ ટીમનું નેતૃત્વ કર્યું હતું. પહેલાથી જ સ્પષ્ટ થઈ ગયું હતું કે હૈદરાબાદનો નિયમિત કેપ્ટન પેટ કમિન્સ તેની પીઠની ઇજામાંથી સંપૂર્ણપણે સ્વસ્થ થયો નથી, અને શરૂઆતની મેચોમાંથી બહાર રહેશે. કમિન્સ સનરાઇઝર્સ હૈદરાબાદ ટીમમાં જાડાયા હોવા છતાં, તે હવે પોતાના દેશમાં પરત ફરી રહ્યો છે, જેના કારણે સનરાઇઝર્સ હૈદરાબાદ માટે તણાવ ચોક્કસ વધ્યો છે.
પેટ કમિન્સ પર ક્રિકઇન્ફોના અહેવાલ મુજબ, તેણે જણાવ્યું હતું કે તે તેની પીઠની ઇજા માટે સ્કેન કરાવવા માટે ઓસ્ટ્રેલિયા પરત ફરી રહ્યો છે, જ્યાં ક્રિકેટ ઓસ્ટ્રેલિયા તેની દેખરેખ રાખશે. પરિણામો સ્પષ્ટ થયા પછી જ કમિન્સ આઇપીએલમાં રમવા માટે પાછો ફરશે. પેટ કમિન્સ ૩ એપ્રિલે કોલકાતા નાઈટ રાઇડર્સ સામેની મેચ પછી તરત જ ઓસ્ટ્રેલિયા પાછો ફર્યો. આ પછી, જા તેના સ્કેન પરિણામો સકારાત્મક આવે છે, તો તે ૧૭ એપ્રિલે સનરાઇઝર્સ હૈદરાબાદ ટીમમાં ફરી જાડાશે.
સનરાઇઝર્સ હૈદરાબાદ આઇપીએલ ૨૦૨૬ સીઝનમાં અત્યાર સુધી બે મેચ રમી ચુક્યું છે અને તેના બે પોઇન્ટ છે. તેઓ ૫ એપ્રિલે લખનૌ સુપર જાયન્ટ્સ સામે તેમના હોમ ગ્રાઉન્ડ, રાજીવ ગાંધી ઇન્ટરનેશનલ ક્રિકેટ સ્ટેડિયમમાં રમશે. હૈદરાબાદ આ મેચ જીતીને પોઈન્ટ ટેબલમાં પોતાની સ્થિતિ વધુ મજબૂત બનાવવાનો પ્રયાસ કરશે. ટ્રેવિસ હેડ અને અભિષેક શર્મા તેમના માટે મુખ્ય ખેલાડીઓ હશે, જેમણે પાછલી મેચમાં બેટિંગથી શાનદાર પ્રદર્શન કર્યું હતું. વધુમાં, બધાની નજર હેનરિક ક્લાસેન અને નીતિશ રેડ્ડી પર રહેશે. સનરાઇઝર્સ હૈદરાબાદ ટીમ માટે ગઈ સીઝન અપેક્ષા મુજબ નહોતી, પરંતુ આ સીઝનમાં બધા તેમની પાસેથી વધુ સારા પ્રદર્શનની અપેક્ષા રાખી રહ્યા છે.
