કોલ્દ્રીફ કફ સિરપને કારણે છિંદવાડામાં નિર્દોષ બાળકોના મૃત્યુ પર બોલતા, ભૂતપૂર્વ મુખ્યમંત્રી અને કોંગ્રેસના વરિષ્ઠ નેતા કમલનાથે સરકાર પર નિશાન સાધ્યું. તેમણે દવાની અનિયમિતતા માટે સરકારને દોષી ઠેરવીને કહ્યું કે સરકારે દવાઓની યોગ્ય રીતે તપાસ કરી નથી.કોંગ્રેસના વરિષ્ઠ નેતા કમલનાથે કહ્યું, “આ ખૂબ જ દુઃખદ છે. હું આ માટે રાજ્ય સરકારને જવાબદાર માનું છું, કારણ કે આ દવાઓનું જરૂરી પરીક્ષણ ક્યારેય કરવામાં આવ્યું નથી. હજુ સુધી એ ખબર નથી કે કેટલી દવાઓનું પરીક્ષણ હજુ પણ બાકી છે. મેં મુખ્યમંત્રી સાથે વાત કરી છે. મુખ્યમંત્રી અને સરકારે સાથે મળીને કંઈક કરવું જાઈએ, અને હું જે કરવું પડશે તે કરીશ.”કોલ્ડરિફ કફ સિરપથી બાળકોના મૃત્યુના સંદર્ભમાં એક ડાક્ટરની ધરપકડ સામે વિરોધ પ્રદર્શન ચાલી રહ્યા છે. આ કેસમાં અત્યાર સુધીમાં ઘણા લોકો પર કાર્યવાહી કરવામાં આવી છે. ફાર્માસ્યુટિકલ કંપની શ્રીસન ફાર્માના માલિક એસ. રંગનાથનની ધરપકડ કરવામાં આવી છે.
