આ વખતે નવા વર્ષમાં શિયાળાની આફત તમને પરેશાન કરશે. હવામાન વિભાગે નવા વર્ષમાં ઉત્તર ભારતમાં શીત લહેર, વરસાદ અને હિમવર્ષાની આગાહી કરી છે. હવામાન વિભાગે કહ્યું છે કે ૩૦ ડિસેમ્બરથી ૨ જાન્યુઆરી સુધી હિમાચલ પ્રદેશ, જમ્મુ-કાશ્મીર, પંજાબ, હરિયાણા અને રાજસ્થાનના કેટલાક વિસ્તારોમાં તીવ્ર શીત લહેર આવી શકે છે.
હવામાન વિભાગે કહ્યું કે હિમાચલ પ્રદેશના કેટલાક વિસ્તારોમાં તીવ્ર શીત લહેર આવવાની સંભાવના છે. જમ્મુ-કાશ્મીર, લદ્દાખ, મુઝફ્ફરાબાદ, પંજાબ, હરિયાણા અને રાજસ્થાનના જુદા જુદા વિસ્તારોમાં પણ કોલ્ડ વેવની સ્થિતિ સર્જાઈ રહી છે.
હવામાન વિભાગે કહ્યું છે કે ૩૦ ડિસેમ્બરે પશ્ચિમ અને પૂર્વ ઉત્તર પ્રદેશમાં તાપમાનમાં ઘટાડો થશે. આઈએમડીના વૈજ્ઞાનિક અતુલ કુમાર સિંહે જણાવ્યું હતું કે યુપીમાં રવિવારથી હવામાન સાફ થઈ જશે અને આગામી બે-ત્રણ દિવસમાં લઘુત્તમ તાપમાનમાં ત્રણથી છ ડિગ્રીનો ઘટાડો થશે. જો કે, પૂર્વ અને પશ્ચિમ ઉત્તર પ્રદેશમાં કેટલાક સ્થળોએ મધ્યમ વરસાદની શક્યતા છે.
હવામાન વિભાગે જણાવ્યું કે હિમાચલ પ્રદેશના ભાગોમાં રવિવાર સવાર સુધી હળવો વરસાદ અને મધ્યમ હિમવર્ષા ચાલુ રહેવાની શક્યતા છે. પૂર્વોત્તર-ચંબા, કાંગડા, કુલ્લુ, મંડીના ઉત્તરીય ભાગો, લાહૌલ-સ્પીતિ, કિન્નૌર અને સિરમૌર જિલ્લામાં ભારે વરસાદ અથવા હિમવર્ષાની સંભાવના છે. આ સાથે સોમવારથી હિમાચલ પ્રદેશના પહાડી અને મેદાની વિસ્તારોમાં શીત લહેર અને ગાઢ ધુમ્મસ છવાઈ શકે છે. શિમલામાં અને તેની આસપાસ વરસાદ ચાલુ રહી શકે છે.
હવામાન વિભાગના જણાવ્યા અનુસાર,સવારે ૮ઃ૩૦ વાગ્યા સુધી દિલ્હીમાં ૨૪ કલાકમાં ૪૧.૨ મીમી વરસાદ નોંધાયો હતો, જે ૧૦૧ વર્ષમાં ડિસેમ્બરમાં એક જ દિવસમાં સૌથી વધુ છે. ૩ ડિસેમ્બર, ૧૯૨૩ના રોજ ૭૫.૭ મીમી વરસાદ પડ્યો હતો. આ ડિસેમ્બર ૧૯૦૧ માં રેકોર્ડ શરૂ થયા પછી માસિક વરસાદની દ્રષ્ટિએ પાંચમો સૌથી વધુ ભીનો છે. હવામાન વિભાગે રવિવારે દિલ્હી-એનસીઆર માટે ઓરેન્જ એલર્ટ અને બે દિવસ પછી યલો એલર્ટ જાહેર કર્યું છે. આ સાથે ધુમ્મસની પણ શક્યતા છે.
