ગુજરાતનાં કચ્છમાં અવારનવાર પાકિસ્તાનની નાપાક હરકતો જોવા મળે છે. માદક દ્રવ્યો હથિયારો, તો ક્યારેક ઘુસણખોરી જેવી પ્રવૃતિ માટે કચ્છની સરહદી વિસ્તાર કુખ્યાત છે. ત્યારે બીએસએફ દ્વારા આવા તત્વો ઉપર સતત વોચ રાખવામાં આવતી હોય છે. પાકિસ્તાનની ભૂમિ અને જળસીમાની તદ્દન નજીક આવેલા સરહદી કચ્છના ઘૂસણખોરી અને દેશમાં નાપાક હરકતો માટે કુખ્યાત વિસ્તાર તરીકે ઓળખાતા અતિસંવેદનશીલ અને દુર્ગમ હરામીનાળા વિસ્તારમાં નાપાક હરકતો વધી ગઈ હોવાના સુરક્ષા એજન્સીઓને સતત મળી રહેલા ઇનપુટ વચ્ચે આ વિસ્તારની સંવેદનશીલતા ધ્યાને લઇ, સરહદી સલામતી દળ દ્વારા કચ્છની સિરક્રીક, હરામીનાળા વિસ્તારમાં પેટ્રોલિંગ વધારી દેવામાં આવ્યું છે. તેમાં કચ્છના હરમીનાળા વિસ્તારમાંથી બે પાકિસ્તાની ઘૂસણખોરો ઝડપાયા છે.જે પાકિસ્તાની નાગરિકો ઝડપાયા છે તેમાં ૧. સદમ હુસૈન, ગુલામ મુસ્તફા ઉંમર ૨૦ વર્ષ,૨. અલી બક્ષ ઉ. ખેર મુહમ્મદ, ઉંમર ૨૫ વર્ષ બંને પાકિસ્તાની ગામ ઝીરો પોઈન્ટના રહેવાસી છે
પ્રાપ્ત વિગતો અનુસાર કચ્છના હરામીનાળા પાસે બે પાકિસ્તાની ઘુસણખોરી કરતા ઝડપાયા હતા. મ્જીહ્લએ ફાયરિંગ કરતા બે પાકિસ્તાની ઘૂસણખોરોને ઇજો થઈ હતી. તા. ૨૩મી જૂન ૨૦૨૨ના રોજ શરૂ થયેલા ચાલુ સર્ચ ઓપરેશનમાં બીએસએફ ભુજે હરામી નાલા વિસ્તારમાંથી બે પાકિસ્તાની માછીમારોને પકડી લીધા હતા. પાકિસ્તાન તરફ ભાગવાનો પ્રયાસ કરતી વખતે બંનેને પગની ઘૂંટીમાં ગોળી વાગી હતી.
૨૩/૦૬/૨૦૨૨ બપોરના રોજ, બીએસએફ ભુજની પેટ્રોલ પાર્ટીએ હરામી નાળાના સામાન્ય વિસ્તારમાં કેટલીક પાકિસ્તાની માછીમારી બોટની હિલચાલનું નિરીક્ષણ કર્યું હતું. પેટ્રોલિંગ પાર્ટી તાત્કાલિક સ્થળ પર દોડી ગઈ હતી અને હરામી નાલા વિસ્તારના જુદા જુદા સ્થળોએથી નવ પાકિસ્તાની ફિશિંગ બોટ જપ્ત કરી હતી. જોકે, પાકિસ્તાની માછીમારો ભાગી છૂટ્યા હતા અને ૩૦૦ ચોરસ કિલોમીટરથી વધુ વિસ્તારમાં ફેલાયેલા હરામી નાળા વિસ્તારમાં છુપાઈ ગયા હતા. બીએસએફ ભુજે સર્ચ ઓપરેશન ચાલુ રાખ્યું હતું અને પાકિસ્તાન તરફ ભાગી જવાના તમામ સંભવિત માર્ગોને પ્લગ કરીને સમગ્ર વિસ્તારને કોર્ડન કરી લીધો હતો. બીએસએફ પેટ્રોલિંગે ભાગી રહેલા પાકિસ્તાની માછીમારોને પડકાર્યા પરંતુ તેઓ રોકાયા નહીં અને બીએસએફ જવાનોએ પાકિસ્તાની માછીમારોને પકડવા માટે ગોળીબાર કરવો પડ્યો. બંનેને પગની ઘૂંટીમાં ગોળી વાગી છે અને તેમને હોસ્પિટલમાં ખસેડવામાં આવી રહ્યા છે.