ગુજરાતમાં અવારનવાર નશાકારક પદાર્થ ઝડપાતા હોય છે. ત્યારે ફરી એક વાર સુરતમાંથી ગાંજાનો જથ્થો ઝડપાયો છે. સુરતમાંથી ૧.૮૧ લાખની કિંમતનો ૧૮ કિલોથી વધુ ગાંજાનો જથ્થો ઝડપાયો છે. ઓરિસ્સાના ગંજામ જિલ્લાના ૨ શખ્સો ઝડપાયા હતા. બિકાસ અને ચન્દ્રમણી નામના શખ્સોની ધરપકડ કરવામાં આવી છે. પ્લાસ્ટિકના કોથળામાં ગાંજા લઈને જતા હતા. ત્યારે પોલીસે ઝડપી પાડ્યો હતો. કડોદરા ચોકડીથી નિયોલ ચેકપોસ્ટ તરફ આવતા ઝડપાયા હતા.
ઉલ્લેખનીય છે કે સુરત પોલીસે બાતમીના આધારે ૧.૮૧ લાખની કિંમતનો ગાંજાનો જથ્થો ઝડપાયો છે. ઓરિસ્સાના ગંજામ જિલ્લામાંથી ૨ શખ્સો પ્લાસ્ટિકના કોથળામાં ગાંજા લઈને સુરત આવતા હોવાનું સામે આવ્યું છે. કડોદરા ચોકડીથી નિયોલ ચેકપોસ્ટ તરફ આવતા ઝડપાયા હતા.
બીજી તરફ આ અગાઉ સુરતમાંથી દારુનો જથ્થો ઝડપાયો છે. સુરતના જહાંગીરપુરા પોલીસની પેટ્રોલિંગ દરમ્યાન કારમાંથી દારૂ ઝડપાયો છે. કારમાં જુદી-જુદી જગ્યાએ ચોરખાનું બનાવી દારુ છૂપાવ્યો હતો. લાખોની કિંમતના વિદેશી દારૂના જથ્થા સાથે એક આરોપીની અટકાયત કરી હતી. દારૂની બોટલો સહિત ૧ લાખ ૨૯ હજારનો મુદ્દામાલ જપ્ત કરાયો હતો. વિદેશી દારૂનો જથ્થો ક્્યાંથી લવાયો તે દિશામાં પોલીસ તપાસ હાથ ધરી હતી.
