ક્વાડ બેઠક પહેલા ભારતના વિદેશ મંત્રી એસ જયશંકરે સંયુક્ત રાષ્ટ્ર મુખ્યાલયમાં આતંકવાદના મુદ્દા પર પાકિસ્તાનનો પર્દાફાશ કર્યો છે. હકીકતમાં, વિદેશ મંત્રી એસ જયશંકર યુએન મુખ્યાલયમાં આતંકવાદના મુદ્દા પર એક કાર્યક્રમને સંબોધિત કરી રહ્યા હતા. આ દરમિયાન એસ જયશંકરે કહ્યું, ‘આતંકવાદ માનવતા માટે સૌથી ગંભીર ખતરાઓમાંનો એક છે.’ સંયુક્ત રાષ્ટ્ર મુખ્યાલયમાં આયોજિત ‘ધ હ્યુમન કોસ્ટ ઓફ ટેરરિઝમ’ પ્રદર્શનના ઉદ્ઘાટન દરમિયાન, વિદેશ મંત્રી એસ. જયશંકરે કહ્યું કે જ્યારે કોઈ દેશ તેના પાડોશી વિરુદ્ધ આતંકવાદને સમર્થન આપે છે, ત્યારે તેની સામે જાહેરમાં અવાજ ઉઠાવવો જરૂરી બની જાય છે.
વિદેશ મંત્રી એસ. જયશંકરે કહ્યું, ‘આતંકવાદ માનવતા માટે સૌથી મોટો ખતરો છે. તે સંયુક્ત રાષ્ટ્ર જે કંઈ કહે છે, માનવ અધિકારો, નિયમો અને ધોરણો અને રાષ્ટ્રોએ એકબીજા સાથે કેવી રીતે વર્તવું જાઈએ તેની વિરુદ્ધ છે. જ્યારે કોઈ પાડોશી દેશ વિરુદ્ધ આતંકવાદને સમર્થન આપવામાં આવે છે, ત્યારે તે આતંકવાદના કટ્ટરવાદને પ્રોત્સાહન આપે છે. જ્યારે તે આવી ગેરકાયદેસર પ્રવૃત્તિઓને પ્રોત્સાહન આપે છે, ત્યારે તેને જાહેરમાં કાબૂમાં રાખવું જરૂરી છે અને આ કરવાનો એક રસ્તો એ છે કે વૈશ્વીક સમાજ દ્વારા સર્જાયેલા કટ્ટરવાદનું ચિત્રણ કરવામાં આવે.’
આતંકવાદના મુદ્દા પર, એસ. જયશંકરે યુએનએસસીને કહ્યું કે જે લોકો આતંકવાદને સમર્થન આપે છે તેમને કોઈ છૂટ આપવી જાઈએ નહીં. જયશંકરે કહ્યું, ‘કોઈ પરમાણુ બ્લેકમેલ કામ કરશે નહીં.’ તમને જણાવી દઈએ કે આ ડોનાલ્ડ ટ્રમ્પ માટે સ્પષ્ટ સંકેત હતો. જે વારંવાર કહી રહ્યા હતા કે પરમાણુ યુદ્ધના ભયને કારણે યુદ્ધવિરામ થયો હતો. એસ જયશંકરે વધુમાં કહ્યું, ‘૫ અઠવાડિયા પહેલા યુએનએસસીએ પહેલગામમાં થયેલા આતંકવાદી હુમલાની નિંદા કરી હતી.યુએનએસસીએ માંગ કરી હતી કે તેના ગુનેગારોને જવાબદાર ઠેરવવામાં આવે અને ન્યાય અપાવવામાં આવે. વિશ્વએ કેટલાક મૂળભૂત ખ્યાલો પર એક સાથે આવવું જાઈએ. આતંકવાદીઓને કોઈ છૂટ આપવામાં આવશે નહીં. પરમાણુ બ્લેકમેલનો ભોગ બનવું જોઈએ નહીં. રાજ્ય પ્રાયોજિત આતંકવાદનો પર્દાફાશ અને ગણતરી થવી જોઈએ.’
