ઈરાન પર હુમલામાં અમેરિકા અને ઈઝરાયલે ખોરરામબાદ એરપોર્ટને નિશાન બનાવ્યું. દરમિયાન, ઈરાન સાથે ચાલી રહેલા સંઘર્ષ વચ્ચે, ઈઝરાયલે ઈરાનીઓને ચેતવણી આપી હતી, જેમાં તેમને ટ્રેન અને રેલ્વે લાઈનો ટાળવા કહ્યું હતું. એક પર્શિયન સંદેશમાં, ઈઝરાયલે જણાવ્યું હતું કે આમ કરવાથી તેમના જીવ જાખમમાં આવી શકે છે. ઈરાનના અલ્બોર્ઝ પ્રાંત પર યુએસ-ઈઝરાયલી હુમલામાં માર્યા ગયેલા ૧૮ લોકોમાં બે બાળકોનો પણ સમાવેશ થાય છે.
ઈરાની રેડ ક્રેસેન્ટ સંસ્થાએ મંગળવારે કહ્યું કે યુએસ અને ઇઝરાયલે ઈરાનમાં ૧૭ રહેણાંક વિસ્તારો પર બોમ્બમારો કર્યો. એકસ પરની એક પોસ્ટમાં, સંગઠને કહ્યું, “નાગરિકો પર હુમલો કરવાનું કોઈ વાજબી કારણ નથી. આંતરરાષ્ટ્રીય માનવતાવાદી કાયદો સ્પષ્ટપણે જણાવે છે કે નિઃશસ્ત્ર નાગરિકો પર હુમલો કરવો એ યુદ્ધ ગુનો છે.” દરમિયાન, ઈરાની મીડિયાએ અહેવાલ આપ્યો છે કે દેશમાં રાતોરાત યુએસ-ઇઝરાયલી હુમલામાં ૧૫ થી વધુ લોકો માર્યા ગયા હતા.
યુએસ-ઇઝરાયલી હુમલાના જવાબમાં, ઈરાને પણ ઇઝરાયલ પર અનેક મિસાઇલો ચલાવી. ઇઝરાયલી મીડિયા અનુસાર, ઈરાને અનેક મિસાઇલો છોડ્યા પછી મધ્ય ઇઝરાયલમાં નોંધપાત્ર નુકસાન થયું હતું. જાકે, ઈઝરાયલે પણ અનેક મિસાઇલો અટકાવી હોવાનો દાવો કર્યો હતો. ટાઈમ્સ ઓફ ઈઝરાયલે બચાવ સેવાઓને ટાંકીને અહેવાલ આપ્યો છે કે ઈરાની બેલિસ્ટીક મિસાઇલોથી છોડવામાં આવેલા ક્લસ્ટર સબમ્યુનિશનને કારણે નુકસાન થયું હતું.
ઈરાની લશ્કરી સૂત્રો અનુસાર, યુએસ અને ઇઝરાયલી આક્રમણ છતાં, બધા શહેરોમાં મિસાઇલ લોન્ચર સક્રિય છે અને દરરોજ મિસાઇલો છોડવામાં આવી રહી છે. ફાર્સ ન્યૂઝે અહેવાલ આપ્યો છે કે એક લશ્કરી સૂત્રએ જણાવ્યું છે કે ઈરાનની મિસાઈલ હુમલો ક્ષમતાઓ સંપૂર્ણપણે સક્રિય થઈ ગઈ છે. નવી ટીમોની તૈનાતી સાથે, દુશ્મન હવાઈ હુમલાઓને ઝડપથી નિષ્ક્રિય કરવામાં આવી રહ્યા છે.
તેહરાન ઉપર અનેક ફાઇટર જેટ ઉડતા હોવાના અહેવાલો આવ્યા છે. અલ-જઝીરાએ અહેવાલ આપ્યો છે કે તેહરાનમાં મોટા વિસ્ફોટો સાંભળવામાં આવ્યા છે. ઈરાન પર હુમલાઓમાં આ અચાનક વધારો યુએસ પ્રમુખ ડોનાલ્ડ ટ્રમ્પની ધમકી સાથે જાડાયેલો છે. ટ્રમ્પે ઈરાનને મંગળવારે રાત્રે ૮ વાગ્યા સુધીમાં સોદો કરવા કહ્યું હતું. તેમણે ઈરાનના દરેક પુલ અને દરેક પાવર પ્લાન્ટનો નાશ કરવાની ધમકી આપી હતી જા તેઓ આમ ન કરે તો.
ઇઝરાયલી સૈન્યએ દક્ષિણપશ્ચિમ ઈરાનના શિરાઝમાં બીજા પેટ્રોકેમિકલ સંકુલ પર હુમલો કરવાનો દાવો કર્યો છે. એક નિવેદનમાં, સૈન્યએ જણાવ્યું હતું કે આ પેટ્રોકેમિકલ સંકુલ ઈરાની શાસનના સશસ્ત્ર દળો માટે નાઈટ્રિક એસિડનું ઉત્પાદન કરે છે. ઇઝરાયલી સૈન્યએ દાવો કર્યો હતો કે આ સંકુલ ઈરાનમાં બાકી રહેલી છેલ્લી સુવિધાઓમાંની એક હતી જે બેલિસ્ટીક મિસાઇલોના વિકાસ માટે વિસ્ફોટકો અને સામગ્રી માટે મહત્વપૂર્ણ રાસાયણિક ઘટકોનું ઉત્પાદન કરે છે.
