એમેઝોન મોટી છટણી શરૂ કરી રહ્યું છે. કંપની આશરે ૩૦,૦૦૦ કોર્પોરેટ કર્મચારીઓને છટણી કરવાની યોજના બનાવી રહી છે. આ પ્રક્રિયા શરૂ થઇ છે.અહેવાલ મુજબ, એમેઝોન ખર્ચ ઘટાડવા અને કોવિડ-૧૯ રોગચાળા દરમિયાન વધેલી ભરતીની ભરપાઈ કરવા માટે આ મોટું પગલું ભરી રહ્યું છે. ૨૦૨૨ પછી એમેઝોન પર આ સૌથી મોટી કર્મચારીઓની છટણી છે.કંપની કહે છે કે તેણે છેલ્લા કેટલાક વર્ષોમાં જરૂર કરતાં વધુ કર્મચારીઓ રાખ્યા હતા. હવે તે સ્ટાફ ઘટાડીને આ સંતુલન બનાવવા માંગે છે. એમેઝોનનો આ નિર્ણય ઉપકરણો, માનવ સંસાધન અને સેવાઓ અને ઓપરેશન્સ વિભાગો જેવા ઘણા વિભાગોને અસર કરી શકે છે, ખાસ કરીને જ્યાં કોવિડ-૧૯ રોગચાળા પછી માંગમાં ઘટાડો થયો છે.એમેઝોનના સીઇઓએ જાહેરમાં જણાવ્યું છે કે પુનરાવર્તિત દૈનિક કાર્યોને સ્વચાલિત કરવા માટે કૃત્રિમ બુદ્ધિ પર વધતી નિર્ભરતાને કારણે નોકરીઓમાં વધુ નુકસાન થઈ શકે છે. વિશ્લેષકો એમ પણ માને છે કે છૈં એ જ કારણ છે કે કંપની કોર્પોરેટ કર્મચારીઓની આટલી મોટી છટણી કરી રહી છે. એ નોંધવું જાઈએ કે એમેઝોને ૨૦૨૨ માં ૨૭,૦૦૦ કર્મચારીઓની છટણી કરી હતી. હવે, કંપની ૩૦,૦૦૦ કોર્પોરેટ કર્મચારીઓની છટણી કરવાની યોજના બનાવી રહી છે. આનાથી મોટી સંખ્યામાં લોકો માટે નોકરીનું સંકટ સર્જાશે.
