આઇપીએલ ૨૦૨૫ માં હાલમાં રાજસ્થાન રોયલ્સ અને ચેન્નાઈ સુપર કિંગ્સ વચ્ચે એક રોમાંચક મેચ રમાઈ રહી છે. આ મેચમાં એમએસ ધોનીએ એક મોટી સિદ્ધિ હાંસલ કરી છે. તેમના પહેલા ફક્ત ત્રણ ભારતીય ખેલાડીઓ જ આ સિદ્ધિ મેળવી શક્્યા છે. હકીકતમાં, આ મેચમાં એમએસ ધોનીએ પોતાની ઇનિંગનો પહેલો સિક્સર ફટકારતાની સાથે જ ટી૨૦ ક્રિકેટમાં ૩૫૦ સિક્સર પૂર્ણ કરી. તે આવું કરનાર ચોથો ભારતીય બન્યો. આ પહેલા રોહિત શર્મા, વિરાટ કોહલી અને સૂર્યકુમાર યાદવ આ સિદ્ધિ મેળવી ચૂક્યા છે.
જા આપણે ટી -૨૦ ફોર્મેટમાં સૌથી વધુ છગ્ગા ફટકારનારા ભારતીય બેટ્સમેનોની વાત કરીએ, તો રોહિત શર્મા ટોચ પર છે. તેણે અત્યાર સુધીમાં ૪૫૯ મેચમાં ૫૪૨ છગ્ગા ફટકાર્યા છે. આ યાદીમાં વિરાટ કોહલીનું નામ બીજા સ્થાને છે. વિરાટે તેની ટી ૨૦ કારકિર્દીમાં કુલ ૪૧૦ મેચ રમી છે જેમાં તેણે અત્યાર સુધીમાં ૪૩૪ છગ્ગા ફટકાર્યા છે. સૂર્યકુમાર યાદવે અત્યાર સુધીમાં ૩૨૧ ટી ૨૦ મેચોમાં ૩૬૮ છગ્ગા ફટકાર્યા છે અને તે આ યાદીમાં ત્રીજા નંબરે છે. એમએસ ધોની ૪૦૪ ટી૨૦ મેચોમાં આ સિદ્ધિ હાંસલ કરીને યાદીમાં ચોથા સ્થાને પહોંચી ગયો છે. સંજુ સેમસનનું નામ પાંચમા નંબરે છે. તેણે અત્યાર સુધીમાં ૩૦૩ મેચમાં ૩૪૮ છગ્ગા ફટકાર્યા છે. તે પણ આજે ૩૫૦ છગ્ગા ફટકારવાની સિદ્ધિ હાંસલ કરી શકે છે.
આઇપીએલ ૨૦૨૫ ની શરૂઆત પહેલા, એમએસ ધોનીને ચેન્નાઈ સુપર કિંગ્સ ફ્રેન્ચાઇઝ દ્વારા અનકેપ્ડ ખેલાડી તરીકે જાળવી રાખવામાં આવ્યો હતો. જ્યારે સિઝનની મધ્યમાં રુતુરાજ ગાયકવાડ ઘાયલ થયા, ત્યારે એમએસને ચેન્નાઈનો કેપ્ટન બનાવવામાં આવ્યો. કેપ્ટન બન્યા પછી પણ ધોની ચેન્નાઈ સુપર કિંગ્સનું નસીબ બદલી શક્યો નહીં અને તેની ટીમ પ્લેઓફની રેસમાંથી બહાર થઈ ગઈ છે. આ સિઝનમાં ધોનીના બેટિંગ આંકડાઓની વાત કરીએ તો, તેણે અત્યાર સુધીમાં ૧૩ મેચ રમી છે, જેમાં તેણે કુલ ૧૮૨ રન બનાવ્યા છે. આ સિઝનમાં મોટાભાગની મેચોમાં તેણે નીચલા ક્રમમાં બેટિંગ કરી છે, જેના માટે તેની ઘણી ટીકા થઈ હતી. કેટલાક પ્રસંગોએ તેણે સારી ઇનિંગ્સ રમી હતી પરંતુ તે ટીમને જીત અપાવવામાં સફળ થઈ શક્યો ન હતો.
