આસામ વિધાનસભા ચૂંટણીઃ
એનડીએએ આસામ વિધાનસભા ચૂંટણી માટે સીટ-શેરિંગ પર કરાર કર્યો છે. મુખ્યમંત્રી હિમંતા બિસ્વા શર્માએ પુષ્ટિ આપી કે ભાજપે ચૂંટણી માટે આસોમ ગણ પરિષદ, બોડોલેન્ડ પીપલ્સ ફ્રન્ટ (બીપીએફ) અને રાભા હાસોંગ જુથા સંગ્રામ સમિતિ સાથે તેની ચર્ચા પૂર્ણ કરી લીધી છે. વિભાજનની ઔપચારિક જાહેરાત ત્રણથી ચાર દિવસમાં કરવામાં આવશે, કારણ કે તેને ભાજપના સેન્ટ્રલ પાર્લામેન્ટરી બોર્ડની મંજૂરીની જરૂર પડશે. આ વખતે, ભાજપે બોડોલેન્ડમાંથી એક નવો સાથી,બીપીએફ પસંદ કર્યો છે. આનાથી નારાજ થઈને, તેના અગાઉના ચૂંટણી ભાગીદાર, યુનાઇટેડ પીપલ્સ પાર્ટી લિબરલએ જાહેરાત કરી છે કે તે બોડોલેન્ડ ટેરિટોરિયલ કાઉન્સલની ૧૫ વિધાનસભા બેઠકો તેમજ આસપાસની છ અન્ય બેઠકો પર એનડીએને પડકારશે.
આસામનો છેલ્લા બે દાયકામાં વિવિધ ચૂંટણી ઇતિહાસ રહ્યો છે. બોડોલેન્ડ ટેરિટોરિયલ કાઉન્સલ ચૂંટણી જીતનાર પક્ષ અથવા જાડાણ દિસપુરમાં સરકાર બનાવે છે. બોડોલેન્ડ પીપલ્સ ફ્રન્ટ, કોંગ્રેસ સાથે જાડાણ કરીને, ૨૦૦૫ થી ૨૦૧૫ સુધી બોડોલેન્ડમાં ચૂંટણીઓ જીતી હતી. તે સમયે, આસામમાં કોંગ્રેસની સરકાર બનતી રહી. ૨૦૧૬ માં બીપીએફએ ભાજપ સાથે જાડાણ કર્યું, જેનાથી આસામમાં પ્રથમ દ્ગડ્ઢછ સરકાર બની. ૨૦૨૧ માં, ભાજપે યુનાઇટેડ પીપલ્સ પાર્ટી લિબરલ સાથે જાડાણ કર્યું. આ વખતે, વિધાનસભા ચૂંટણી પહેલા, ભાજપ અને યુપીપીએલ ગઠબંધન બોડોલેન્ડ કાઉન્સલની ચૂંટણીમાં હારી ગયું. બોડોલેન્ડ પીપલ્સ ફ્રન્ટે ૪૦ માંથી ૨૮ બેઠકો જીતી, જેનાથી ભાજપ પાછળ પડી ગયો.
અમે આસોમ ગણ પરિષદ, બોડોલેન્ડ પીપલ્સ ફોરમ અને રાભા હાસોંગ જુથા સંગ્રામ સમિતિ સાથે અમારી વાટાઘાટો પૂર્ણ કરી. એનડીએની વાત કરીએ તો, સીટ શેરિંગ પર અમારી ચર્ચાઓ હવે પૂર્ણ થઈ ગઈ છે. અમારે સેન્ટ્રલ પાર્લામેન્ટરી બોર્ડ પાસેથી મંજૂરી લેવાની જરૂર છે. તેથી, ઔપચારિક જાહેરાતમાં ૨-૪ દિવસ લાગશે.
ત્યારબાદ ભાજપે ઝડપથી પોતાની રણનીતિ બદલી અને બોડોલેન્ડ પીપલ્સ ફ્રન્ટ સાથે જાડાણ કર્યું. આસામના મુખ્યમંત્રી હિમંતા બિસ્વા શર્માએ બીપીએફ નેતા ચરણ બોરોને તેમના મંત્રીમંડળમાં સામેલ કર્યા, જ્યારે યુપીપીએલ નેતા ઉર્ખાઓ ગ્વારા બ્રહ્મા પહેલાથી જ મંત્રી હતા યુપીપીએલએ જાહેરાત કરી કે તે બીપીએફ સામે ૨૧ બેઠકો પર ચૂંટણી લડશે. ગયા રવિવારે,યુપીપીએલના વડા પ્રમોદ બોરોએ કોકરાઝારમાં એક રેલીમાં બોડો પીપલ્સ ફ્રન્ટની ટીકા કરી હતી, તેને ભ્રષ્ટ અને વિભાજનકારી ગણાવી હતી. આસામના પાંચ જિલ્લાઓઃ કોકરાઝાર, ચિરાંગ, બક્સા, તામુલપુર અને ઉદલગુરી, બોડોલેન્ડ ટેરિટોરિયલ કાઉન્સલ હેઠળ આવે છે, જેમાં કુલ ૧૫ વિધાનસભા બેઠકો છે. રાજ્ય વિધાનસભામાં ૧૨૬ સભ્યો છે. આગામી વિધાનસભા ચૂંટણી પહેલા, ભાજપે કોકરાઝારમાં પીએમ નરેન્દ્ર મોદી માટે એક કાર્યક્રમનું આયોજન કર્યું છે. પીએમ મોદી બીટીસી હેડક્વાર્ટરની પણ મુલાકાત લઈ શકે છે.
