૧૪ નવેમ્બરથી ૧૪ ડિસેમ્બર સુધી દેશમાં બેન્ડ બાજો બારાતનો જોરદાર નજોરો જોવા મળશે. આ એક મહિનામાં દેશભરમાં લગભગ ૨૫ લાખ લગ્ન થવાની ધારણા છે. છેલ્લા બે વર્ષથી, કોરોનાના કારણે, રાજ્ય સરકારો દ્વારા બહાર પાડવામાં આવેલી માર્ગદર્શિકા, મર્યાદિત સંખ્યામાં શોભાયાત્રા, સામાજિક અંતરનું પાલન, રોગચાળાનો ભય વગેરે જેવા વિવિધ કારણોસર ઘણા લગ્ન મોકૂફ રાખવામાં આવ્યા હતા. ઘણી યુવતિઓના હાથ પીળા નથી થઇ શક્યા. જ્યારે ઘણા યુવકો પણ ઘોડે ચઢી શક્યા નથી. હવે જ્યારે આ મહામારીનો ખતરો ઓછો થયો છે અને લગભગ ૧૦૦ કરોડ લોકોને રસી આપવામાં આવી છે ત્યારે પરીવારોએ લગ્નની તૈયારી શરૂ કરી દીધી છે.
વેટ (કોન્ફેડરેશન ઓફ ઓલ ઇન્ડિયા ટ્રેડર્સ)ના મહારાષ્ટ્રના ઉપાધ્યક્ષ અને થાણે જિલ્લા જથ્થાબંધ વેપારી કલ્યાણ મહાસંઘના પ્રમુખ સુરેશભાઈ ઠક્કરે જણાવ્યું હતું કે આ વર્ષે દિવાળીમાં જોરશોરથી વેપાર ધંધાથી ઉત્સાહિત થઈને મુંબઈ સહિત દેશભરના વેપારીઓ હવે વેચાણની તૈયારી કરી રહ્યા છે. લગ્નની સીઝનમાં વધુ અપેક્ષા રાખવામાં આવે છે કે ૧૪ નવેમ્બરથી ૧૩ ડિસેમ્બરના રોજ દેવઉથી એકાદશી સુધી, એક મહિનાના લગ્નનો પ્રથમ તબક્કો શરૂ થશે, જેમાં દેશભરમાં લગભગ ૨૫ લાખ લગ્ન થવાની ધારણા છે. આ સિઝનમાં ૩ લાખ કરોડ રૂપિયાથી વધુનો બિઝનેસ જોવા મળે તેવી શક્યતાઓ વેપારીઓ જોઇ રહ્યા છે.
વીએટીની આધ્યાત્મિક અને વૈદિક જ્ઞાન સમિતિના પ્રમુખ આચાર્ય દુર્ગેશ તારે જણાવ્યું હતું કે ૧૪ ડિસેમ્બરથી ૧૩ જોન્યુઆરી સુધી કોઈ મુહૂર્ત નથી. બે વર્ષ બાદ આ વર્ષે જ નવેમ્બર-ડિસેમ્બરમાં લગ્નના આટલા મુહૂર્ત બહાર
આવ્યા છે. સનાતન ધર્મ ઉપરાંત, આર્ય સમાજ, શીખ ભાઈઓ, પંજોબી બિરાદરો સહિત અન્ય ઘણા વર્ગો છે, જેઓ મુહૂર્ત વિશે વિચારતા નથી, પરંતુ હજી પણ ઘણા લોકો આ સિઝનમાં જ લગ્ન કરે છે.