ત્રીજી વખત વારાણસી સંસદીય બેઠક પરથી ઉમેદવારી નોંધાવીને વડાપ્રધાન નરેન્દ્ર મોદીએ સ્વતંત્ર ભારતના પ્રથમ વડાપ્રધાન પંડિત જવાહરલાલ નેહરુ અને ભારત રત્ન પંડિત અટલ બિહારી વાજપેયીની બરાબરી કરી લીધી છે. બંને ભૂતપૂર્વ વડા પ્રધાનો પોતપોતાના મતવિસ્તાર (એક જ લોકસભા)માંથી ચૂંટણી લડ્યા હતા અને જંગી મતોથી જીત્યા હતા. હવે મોદીએ આ જ લોકસભા સીટ પરથી ચૂંટણી લડીને પીએમ તરીકે ત્રીજી વખત ચૂંટણીમાં બરાબરી કરી લીધી છે.
પંડિત નેહરુ ૧૯૫૧-૫૨, ૧૯૫૭ અને ૧૯૬૨માં ત્રણ વખત પ્રયાગરાજ જિલ્લાની ફુલપુર બેઠક પરથી સાંસદ હતા અને ત્રણેય વખત તેમણે વડાપ્રધાન તરીકે દેશની બાગડોર સંભાળી હતી. પંડિત નેહરુને દેશના પ્રથમ વડાપ્રધાન બનવાનું ગૌરવ પ્રાપ્ત થયું હતું. જા કે ભારત રત્ન પંડિત અટલ બિહારી વાજપેયી પાંચ વખત લખનૌથી સાંસદ રહી ચૂક્યા છે, પરંતુ ૧૯૯૬, ૧૯૯૮ અને ૧૯૯૯માં સાંસદ બન્યા બાદ તેમને વડાપ્રધાન પદ પર રહેવાનું સન્માન મળ્યું.
હવે નરેન્દ્ર મોદી ૨૦૧૪ અને ૨૦૧૯માં વારાણસીના સાંસદ તરીકે ચૂંટાયા હતા. બંને વખત કેન્દ્રમાં તેમના નેતૃત્વમાં મજબૂત બહુમતી સાથે સરકારો બની હતી. વારાણસીથી ફરી ત્રીજી વખત ઉમેદવારી નોંધાવીને મોદીએ એક જ લોકસભા બેઠક પરથી સતત ત્રણ વખત ચૂંટણી લડનારા બંને પૂર્વ વડાપ્રધાનોની બરાબરી કરી લીધી છે.
૧૪ માંથી નવ વડાપ્રધાનો યુપીના છેઃ ભારતના લોકશાહી ઈતિહાસમાં ૧૪ વડાપ્રધાનો રહ્યા છે, જેમાંથી નવ ઉત્તર પ્રદેશમાંથી આવ્યા છે. પંડિત જવાહર લાલ નેહરુથી શરૂ થયેલો આ ટ્રેન્ડ નરેન્દ્ર મોદી સુધી પહોંચ્યો છે. આ સમયગાળા દરમિયાન લાલ બહાદુર શાસ્ત્રી, ઇન્દિરા ગાંધી, ચૌધરી ચરણ સિંહ, રાજીવ ગાંધી, વિશ્વનાથ પ્રતાપ સિંહ, ચંદ્રશેખર, અટલ બિહારી વાજપેયી યુપીની વિવિધ બેઠકો પરથી ચૂંટણી જીતીને સંસદમાં પહોંચ્યા અને ચૂંટાયેલા સાંસદોએ તેમને વડાપ્રધાન તરીકે તેમના નેતા તરીકે પસંદ કર્યા. .
વડાપ્રધાન તરીકે નરેન્દ્ર મોદીનો બે ટર્મનો કાર્યકાળ નવ વર્ષ અને ૩૫૦ દિવસનો છે. જા કે સૌથી લાંબા સમય સુધી વડાપ્રધાન તરીકે સેવા આપવાનો રેકોર્ડ દેશના પ્રથમ વડાપ્રધાન પંડિત જવાહર લાલ નેહરુના નામે છે.
નેહરુ ૧૬ વર્ષ અને ૨૮૬ દિવસ સુધી દેશના વડાપ્રધાન રહ્યા. બીજા નંબર તેમની પુત્રી ઇન્દિરા ગાંધીનો છે. ઇન્દિરા એ ૧૧ વર્ષ અને ૫૯ દિવસ વડાપ્રધાન તરીકે દેશ પર શાસન કર્યું. મનમોહન સિંહ દસ વર્ષ અને ચાર દિવસ દેશના પીએમ હતા. કાર્યકાળની દૃષ્ટિએ તેઓ ત્રીજા સ્થાને છે.
પીએમ જેમણે પોતાનો પાંચ વર્ષનો કાર્યકાળ પૂર્ણ કર્યો છે
જવાહર લાલ નેહરુ – ૧૬ વર્ષ ૨૮૬ દિવસ
ઇન્દિરા ગાંધી – ૧૧ વર્ષ ૫૯ દિવસ
મનમોહન સિંહ – ૧૦ વર્ષ ૦૪ દિવસ
નરેન્દ્ર મોદી – ૯ વર્ષ ૩૫૦ દિવસ
અટલ બિહારી વાજપેયી – ૬ વર્ષ ૬૪ દિવસ
રાજીવ ગાંધી–૫ વર્ષ ૩૨ દિવસ
