ઈવીએમ મશીનો સાથે વીવીપીએટી સ્લિપના ૧૦૦ ટકા મેચિંગ પર સુપ્રીમ કોર્ટ તેના નિર્ણય પર પુનર્વિચાર કરશે નહીં. સુપ્રિમ કોર્ટે ૧૦૦ ટકા મેચિંગ અંગેની સમીક્ષા અરજીને ફગાવી દીધી છે. જસ્ટિસ સંજીવ ખન્ના અને જસ્ટિસ દીપાંકર દત્તાની ખંડપીઠે પોતાના નિર્ણયમાં કહ્યું છે કે અરજીમાં આપવામાં આવેલા આધારને ધ્યાનમાં લીધા બાદ અમે માનીએ છીએ કે ૨૬ એપ્રિલના નિર્ણય પર પુનર્વિચાર કરવાનો કોઈ મામલો નથી. હકીકતમાં, ૨૬ એપ્રિલે, સુપ્રીમ કોર્ટે વીવીપીએટી અને ઇવીએમ મશીનની સ્લિપના ૧૦૦ ટકા મેચિંગની માંગ કરતી અરજીને ફગાવી દીધી હતી.
આ સાથે અરજીમાં બેલેટ પેપરથી ચૂંટણી કરાવવાની પણ માંગ કરવામાં આવી હતી, જેને સુપ્રીમ કોર્ટે ફગાવી દીધી હતી. રિવ્યુ પિટિશન અરુણ કુમાર અગ્રવાલ દ્વારા દાખલ કરવામાં આવી હતી, જેમણે અગાઉ પણ આ મુદ્દે પીઆઈએલ દાખલ કરી હતી.વીવીપીએટી સ્લિપ સાથે ઈફસ્ દ્વારા પડેલા મતોના ૧૦૦ ટકા મેચિંગના મુદ્દે સુપ્રીમ કોર્ટ દ્વારા આપવામાં આવેલા નિર્ણય પર પુનર્વિચારની માંગ કરતી અરજી દાખલ કરવામાં આવી હતી. સુપ્રીમ કોર્ટમાં દાખલ કરવામાં આવેલી આ અરજીમાં ૨૬ એપ્રિલે આપવામાં આવેલા નિર્ણય પર પુનર્વિચાર કરવાની માંગ કરવામાં આવી હતી. ન્યાયાધીશ સંજીવ ખન્નાની આગેવાની હેઠળની બેન્ચે વીવીપીએટી સ્લિપ અને અન્ય ઘણી માંગણીઓ સાથે ઈવીએમ દ્વારા પડેલા મતોની ૧૦૦% મેચિંગની માંગ કરતી અરજીને ફગાવી દીધી હતી. આ સાથે એવું કહેવામાં આવ્યું હતું કે,ઇસીઆઇએ નિર્દેશ આપ્યો છે કે ચૂંટણી પછી સિમ્બોલ લોડિંગ યુનિટને પણ સીલ કરીને સુરક્ષિત કરવામાં આવે.
સુપ્રીમ કોર્ટે એ પણ નિર્દેશ આપ્યો છે કે ઉમેદવારો પાસે પરિણામોની ઘોષણા પછી તકનીકી નિષ્ણાતોની ટીમ દ્વારા ઇવીએમના માઇક્રોકન્ટ્રોલર પ્રોગ્રામની ચકાસણી કરવાનો વિકલ્પ હશે, જે ચૂંટણીની જાહેરાતના સાત દિવસની અંદર કરી શકાય છે. કોર્ટે એમ પણ કહ્યું હતું કે જા બીજા અને ત્રીજા ઉમેદવાર દ્વારા વેરિફિકેશનની માંગ કરવામાં આવે તો તે કિસ્સામાં ઉમેદવાર પાસેથી ખર્ચ વસૂલવો જાઈએ. જા ઈવીએમમાં કોઈ છેડછાડ થશે તો ખર્ચ પરત કરવામાં આવશે. કોર્ટે ઇસીઆઇને પેપર સ્લિપની ગણતરી માટે ઈલેક્ટ્રોનિક મશીનોના સૂચનને ધ્યાનમાં લેવા અને એ પણ ધ્યાનમાં લેવા કહ્યું હતું કે શું ચૂંટણી ચિન્હ સાથે દરેક પક્ષ માટે બાર કોડ હોઈ શકે છે.
અગાઉ, સર્વોચ્ચ અદાલતે તેના આદેશની સમીક્ષા કરવાની વિનંતીને ફગાવી દીધી હતી જેમાં વર્તમાન ચૂંટણી પ્રણાલીમાં મતદારની ગુપ્તતાના ઉલ્લંઘનનો આક્ષેપ કરતી પીઆઈએલને નકારી કાઢવામાં આવી હતી. જસ્ટિસ સંજીવ ખન્ના અને જસ્ટિસ દીપાંકર દત્તાની બેન્ચે કહ્યું કે આદેશની સમીક્ષા માટે કોઈ કેસ કરવામાં આવતો નથી. તેણે ખુલ્લી અદાલતમાં સમીક્ષા અરજીની સુનાવણીની વિનંતીને પણ નકારી કાઢી હતી. બેન્ચે કહ્યું હતું કે, “અમે રિવ્યુ પિટિશન અને તેના સમર્થનમાં રહેલા આધારનો કાળજીપૂર્વક અભ્યાસ કર્યો છે. અમારા મતે, ૧૭ મે, ૨૦૨૪ના આદેશની સમીક્ષા માટે કોઈ કેસ કરવામાં આવ્યો નથી, તેથી રિવ્યુ પિટિશન ફગાવી દેવામાં આવે છે.
