ઈરાન અને ઈઝરાયલ વચ્ચે યુદ્ધ હવે સતત વધી રહ્યું છે. મધ્ય પૂર્વમાં વધતા તણાવ વચ્ચે, ઈરાનના ટોચના લશ્કરી દળોના એક ઉચ્ચ અધિકારીએ દાવો કર્યો છે કે જો ઈઝરાયલ ઈરાન પર પરમાણુ બોમ્બ ફેંકશે, તો હવે પાકિસ્તાન જવાબ આપશે અને પાકિસ્તાન ઈઝરાયલ પર પરમાણુ હુમલો કરશે. ઈરાનના ટોચના લશ્કરી દળોના અધિકારી જનરલ મોહસેન રેઝાની આ ટિપ્પણી ઈરાનના સરકારી ટેલિવિઝન પર આપવામાં આવેલા એક ઇન્ટરવ્યુ દરમિયાન આવી હતી, જ્યારે ઈરાન અને ઈઝરાયલ વચ્ચે સતત મિસાઈલોનો વરસાદ થઈ રહ્યો હતો.
ઈરાની મિસાઈલ હુમલા પછી ઈરાકી બંદર શહેર હાઈફામાં આગ લાગી ગઈ. દાયકાઓની દુશ્મનાવટ અને અત્યાર સુધી લડાયેલા લાંબા છૂટાછવાયા યુદ્ધો પછી, પહેલીવાર કટ્ટર દુશ્મનો ઈઝરાયલ અને ઈરાને આટલી તીવ્રતાથી ગોળીબાર કર્યો છે, જેના કારણે મધ્ય પૂર્વમાં સંઘર્ષની શક્યતા પણ વધી ગઈ છે.
ઈસ્લામિક રિવોલ્યુશનરી ગાર્ડ કોર્પ્સના વરિષ્ઠ અધિકારી અને ઈરાનની રાષ્ટ્રીય સુરક્ષા પરિષદના સભ્ય રેઝાઈએ કહ્યું, “પાકિસ્તાને અમને ખાતરી આપી છે કે જો ઈઝરાયલ ઈરાન પર પરમાણુ બોમ્બનો ઉપયોગ કરશે, તો પાકિસ્તાન ઈઝરાયલ પર પરમાણુ બોમ્બનો હુમલો કરશે આઇસીએએન (ઈન્ટરનેશનલ કેમ્પેઈન ટુ એબોલિશ ન્યુકલીયર વેપન્સ) અનુસાર, ઈઝરાયલ અને પાકિસ્તાન એવા નવ દેશોમાં સામેલ છે જેમની પાસે હાલમાં પરમાણુ શસ્ત્રો છે. તૈયાર પરમાણુ શસ્ત્રો ધરાવતા અન્ય દેશોમાં યુએસએ, રશિયા, યુએસએ, ફ્રાન્સ, ચીન, ભારત અને ઉત્તર કોરિયાનો સમાવેશ થાય છે.
વિશ્વના સૌથી મોટા પરમાણુ શસ્ત્રગાર ધરાવતા રશિયા અને ચીન સાથે મળીને અમેરિકાએ દાવો કર્યો છે કે તેઓ મધ્ય પૂર્વના બે લડતા દેશો વચ્ચે કરાર કરવાનો પ્રયાસ કરી રહ્યા છે. જાન્યુઆરીમાં રાષ્ટ્રપતિ બન્યા પછીના તેમના સૌથી મજબૂત નિવેદનોમાંના એકમાં, ટ્રમ્પે ગઈકાલે ઈરાનને ચેતવણી આપી હતી કે જો તે અમેરિકા પર હુમલો કરશે, તો “અમેરિકન સશસ્ત્ર દળોની સંપૂર્ણ તાકાત અને શક્તિ તમારા પર એ સ્તરે લાવવામાં આવશે જે પહેલાં ક્યારેય જોવા મળી ન હતી.”
દરમિયાન, પાકિસ્તાને ગઈકાલે રાત્રે ઇઝરાયલની પરમાણુ ક્ષમતા અંગે ચિંતા વ્યક્ત કરી હતી, તેના સંરક્ષણ પ્રધાન ખ્વાજા આસિફે કહ્યું હતું કે, “પશ્ચિમી વિશ્વએ ઇઝરાયલ દ્વારા ઉભા કરવામાં આવી રહેલા સંઘર્ષો વિશે ચિંતા કરવી જોઈએ”. “તેના સમગ્ર પ્રદેશ અને તેનાથી આગળના પરિણામો આવશે; એક બદમાશ દેશ, ઇઝરાયલને તેમનું સમર્થન, વિનાશક પરિણામો લાવી શકે છે,” તેમણે એક ઓનલાઈન પોસ્ટમાં કહ્યું. ઈઝરાયલે ખામેનીને મારવાની યોજના બનાવી હતી અહેવાલ મુજબ, યુએસ પ્રમુખ ડોનાલ્ડ ટ્રમ્પે ઈરાનના સુપ્રીમ લીડર આયાતુલ્લાહ અલી ખામેનીને મારવાની ઈઝરાયલની યોજનાનો વિરોધ કર્યો છે. આ ઈઝરાયલ અને ઈરાન વચ્ચે ચાલી રહેલા હુમલાઓના અહેવાલો વચ્ચે થયું છે. સપ્તાહના અંતે, એક વરિષ્ઠ યુએસ અધિકારીએ ઝ્રદ્ગદ્ગ ને જણાવ્યું હતું કે ઈઝરાયલીઓને ઈરાનના સુપ્રીમ લીડરને મારવાની તક મળી હતી. ઈરાને મધ્યસ્થી કરનાર કતાર અને ઓમાનને કહ્યું છે કે તે ઇઝરાયલી હુમલા દરમિયાન યુદ્ધવિરામ માટે વાટાઘાટો કરવા તૈયાર નથી, વાટાઘાટોથી વાકેફ એક અધિકારીએ જણાવ્યું હતું કે, બંને દુશ્મનોએ નવા હુમલા શરૂ કર્યા છે અને વ્યાપક સંઘર્ષનો ભય ઉભો કર્યો છે.
ઈરાને યુદ્ધવિરામનો ઇનકાર કર્યો છે, જેના પછી ઈઝરાયલે તેના હુમલાઓ વધુ તીવ્ર બનાવી દીધા છે. તેલ અવીવમાં સાયરન સતત ગુંજાઈ રહ્યા છે. ઈઝરાયલ સાથેના યુદ્ધ દરમિયાન ઈરાનમાં ફસાયેલા ભારતીયોને સુરક્ષિત રીતે બહાર કાઢવામાં આવશે. આ માટે, ભારત સરકાર એક કામગીરી શરૂ કરવા જઈ રહી છે. ઈરાની સરકારે ભારતીયો સહિત વિદેશી નાગરિકોને સુરક્ષિત રીતે તેમના દેશમાં મોકલવા સંમતિ આપી છે. હાલમાં ઈરાનમાં ૧૦ હજાર ભારતીયો છે, જેમાંથી મોટી સંખ્યામાં ભારતીય વિદ્યાર્થીઓ છે, જેઓ ઈરાનની વિવિધ તબીબી અને ધાર્મિક સંસ્થાઓમાં અભ્યાસ કરી રહ્યા હતા. તેમને અઝરબૈજાન, તુર્કમેનિસ્તાન અને અફઘાનિસ્તાન સરહદ દ્વારા બહાર કાઢવામાં આવશે.
ઇઝરાયલ અને ઈરાન વચ્ચે મિસાઇલોનો હુમલામાં ઘટાડો થવાના કોઈ સંકેત નથી. ઇઝરાયલના મુખ્ય હરીફ ઈરાન પર અચાનક થયેલા હુમલા બાદ તણાવ સતત વધી રહ્યો છે, જેમાં વિશ્વના સૌથી મોટા ગેસ ફિલ્ડ પર હુમલો પણ સામેલ છે. યુરોપિયન કમિશનના પ્રમુખ ઉર્સુલા વોન ડેર લેયેને કહ્યું કે તેમણે ઇઝરાયલી વડા પ્રધાન બેન્જામિન નેતન્યાહૂને ઈરાન સાથે રાજદ્વારી ચર્ચા કરવા કહ્યું. લેયેને કહ્યું કે તેઓ ટેલિફોન પર નેતન્યાહૂ સાથે વાત કરી રહ્યા હતા, તેમણે કહ્યું કે, “ઈરાન પાસે પ્રશ્ન વિના પરમાણુ શસ્ત્રો ન હોવા જાઈએ.” લેયેને કહ્યું, “અલબત્ત, મને લાગે છે કે વાતચીત દ્વારા ઉકેલ શોધી શકાય છે.” ઇઝરાયલે શુક્રવારે ઇરાન પર મોટો હુમલો કર્યો, જેનો જવાબ ઇઝરાયલ પર મિસાઇલો અને ડ્રોનથી આપ્યો. ઈરાનના રિવોલ્યુશનરી ગાર્ડ્સના ગુપ્તચર વડા મોહમ્મદ કાઝેમની હત્યા સોમવારે રાત્રે ઇઝરાયલ અને ઈરાન વચ્ચેના હુમલાઓ વધુ તીવ્ર બન્યા, બંને દેશોએ રહેણાંક વિસ્તારોને નિશાન બનાવ્યા, જેમાં ઘણા નાગરિકો માર્યા ગયા અને ઘણા ઘાયલ થયા, જ્યારે વૈશ્વીક નેતાઓએ મધ્ય પૂર્વમાં ફેલાતા બે દુશ્મનો વચ્ચેના સંઘર્ષ પર ચિંતા વ્યક્ત કરી, અને તણાવ ઓછો કરવા હાકલ કરી. રવિવારે, ઇઝરાયલી હુમલાઓમાં ઈરાનના રિવોલ્યુશનરી ગાર્ડ્સના ગુપ્તચર વડા મોહમ્મદ કાઝેમ માર્યા ગયા હોવાના અહેવાલ છે.
