મધ્ય પૂર્વમાં તણાવ સતત વધી રહ્યો છે. હવે ઈઝરાયલી સેનાએ યમનની રાજધાની સનામાં અનેક સ્થળોએ હવાઈ હુમલા કર્યા છે. આ હુમલો હુથી બળવાખોરોએ ઈઝરાયલ તરફ મિસાઈલો છોડવાની જવાબદારી સ્વીકાર્યાના થોડા દિવસો પછી થયો છે, જેમાં એક પાવર પ્લાન્ટ અને ગેસ સ્ટેશનને નિશાન બનાવવામાં આવ્યું હોવાનું કહેવાય છે. હુથી મીડિયા ઓફિસ અનુસાર, રાજધાનીમાં રાષ્ટ્રપતિ મહેલ અને બંધ લશ્કરી એકેડેમી સહિત અનેક સ્થળોએ વિસ્ફોટો સંભળાયા હતા. સાક્ષીઓએ સનાના મધ્ય અને ગીચ વસ્તીવાળા વિસ્તાર સબીન સ્ક્વેરની આસપાસ ભારે વિસ્ફોટો અને ધુમાડાના ગોટેગોટા જાયા હતા.
“વિસ્ફોટો બહેરાશ ફેલાવનારા હતા. અમને આખું ઘર ધ્રુજતું લાગ્યું,” સ્થાનિક રહેવાસી હુસૈન મોહમ્મદે જણાવ્યું. અન્ય એક રહેવાસી, અહેમદ અલ-મેખલાફીએ જણાવ્યું હતું કે હુમલાઓને કારણે બારીઓ તૂટેલી હતી અને નજીકની ઇમારતોને ભારે નુકસાન થયું હતું. જોકે ઇઝરાયલી સરકારે રવિવારના હુમલામાં તેની સંડોવણીની સત્તાવાર પુષ્ટિ કરી નથી, પરંતુ આ હુમલો હુથી મિસાઇલ હુમલાને હવામાં અટકાવવામાં આવ્યાના થોડા દિવસો પછી જ થયો છે. રવિવારના હુમલામાં જાનહાનિના કોઈ સત્તાવાર અહેવાલ નથી. બંને પક્ષોએ હજુ સુધી નુકસાનના પ્રમાણ અથવા ઓપરેશનમાં સામેલ કોઈપણ સંભવિત લશ્કરી ઉદ્દેશ્યો વિશે સંપૂર્ણ વિગતો જાહેર કરી નથી.
ઈરાન સમર્થિત હૌતીઓએ છેલ્લા ૨૨ મહિનામાં લાલ સમુદ્રમાં ઇઝરાયલી અને વ્યાપારી જહાજા પર ડ્રોન અને મિસાઇલો છોડ્યા છે. જૂથનું કહેવું છે કે ગાઝામાં ચાલી રહેલા સંઘર્ષ વચ્ચે પેલેસ્ટીનિયનો સાથે એકતામાં તેમની કામગીરી કરવામાં આવી છે. તેમના હુમલાઓએ વ્યાપક આર્થિક અસર કરી છે, જેના કારણે લાલ સમુદ્રમાંથી પસાર થતા મુખ્ય શિપિંગ માર્ગો ખોરવાઈ ગયા છે. નવેમ્બર ૨૦૨૩ અને ડિસેમ્બર ૨૦૨૪ ની વચ્ચે, હૌતી આતંકવાદીઓએ મિસાઇલ અને ડ્રોન હુમલાઓથી ૧૦૦ થી વધુ જહાજાને નિશાન બનાવ્યા હતા.
