સદીની સૌથી મોટી આપત્તિએ ઇઝરાયલમાં અરાજકતા ફેલાવી દીધી છે. આખું ઇઝરાયલ ચારે બાજુથી અગ્નિની ભયંકર જ્વાળાઓથી ઘેરાયેલું છે. સેંકડો ફૂટ ઊંચી જ્વાળાઓ લોકોને ડરાવી રહી છે. પરિસ્થિતિ નિયંત્રણમાં ન હોવાનું જાઈને, વડા પ્રધાન બેન્જામિન નેતન્યાહૂની સરકારે દેશમાં રાષ્ટ્રીય કટોકટી જાહેર કરી છે. તમને જણાવી દઈએ કે ઇઝરાયલના જંગલોમાં લાગેલી ભીષણ આગને કારણે ગભરાટ ફેલાયો છે. જંગલની આગમાં ફસાયેલા લોકોને બહાર કાઢવામાં આવી રહ્યા છે.
પ્રત્યક્ષદર્શીઓએ જણાવ્યું કે જંગલમાં ‘જ્વાળાઓ’ એટલી ઊંચી ઉંચાઈએ વધી રહી હતી કે તેને જાઈને આત્મા ધ્રૂજી ઉઠશે. ઇઝરાયલમાં આ આગ એવા સમયે લાગી છે જ્યારે દેશ તેના ૭૭મા સ્વતંત્રતા દિવસની ઉજવણી કરી રહ્યો છે. ઇઝરાયલના જંગલોમાં લાગેલી આ આગ ધીમે ધીમે ખેતરો સુધી પહોંચી ગઈ છે. આના કારણે મોટા નુકસાનનો ભય સતત વધી રહ્યો છે. જાકે, અગ્નિશામકોએ દેશના બે મુખ્ય શહેરોને જાડતો મુખ્ય માર્ગ સફળતાપૂર્વક ફરીથી ખોલ્યો છે, જે તોફાનથી પ્રભાવિત થયો હતો.
જેરુસલેમ-તેલ અવીવ હાઇવે પર આગ લાગવાથી બુધવારે વડા પ્રધાન બેન્જામિન નેતન્યાહૂએ રાષ્ટ્રીય કટોકટીની જાહેરાત કરી હતી, જેના કારણે પોલીસને માર્ગ બંધ કરવાની અને નજીકના સમુદાયોમાંથી હજારો લોકોને સ્થળાંતર કરવાની ફરજ પડી હતી. જેરુસલેમથી લગભગ ૩૦ કિમી પશ્ચિમમાં સેંકડો લોકોને તેમના ઘર છોડીને ભાગી જવાની ફરજ પડી હતી. ઇઝરાયલના સૌથી વધુ જાવાયેલા ટેલિવિઝન નેટવર્ક, ચેનલ ૧૨ ને એક ન્યૂઝ બુલેટિન દરમિયાન શહેરથી લગભગ ૧૦ માઇલ દૂર તેના સ્ટુડિયોમાંથી પ્રસારણ બંધ કરવાની ફરજ પડી હતી.
ઇઝરાયલમાં ભારે પવનને કારણે આગ વધુ ભડકી રહી છે, જેના કારણે ૧૯૪૮માં ઇઝરાયલની સ્થાપનાની ઉજવણીના ઘણા કાર્યક્રમો રદ કરવાની ફરજ પડી છે. આયોજિત કાર્યક્રમને બદલે મશાલ પ્રગટાવવાના સમારોહનું પૂર્વ-રેકોર્ડેડ રિહર્સલ બતાવવામાં આવ્યું હતું. ધ ટાઇમ્સ ઓફ ઇઝરાયલ અખબારે તેને “એક અતિવાસ્તવવાદી, તણાવપૂર્ણ સાંજ” તરીકે વર્ણવ્યું હતું કારણ કે ઇઝરાયલ તેનો ૭૭મો સ્વતંત્રતા દિવસ ઉજવી રહ્યો છે જ્યારે અગ્નિશામકો તેના ઇતિહાસની સૌથી ભયાનક આગ સામે લડી રહ્યા છે. એક સમારોહમાં બોલતા, ઇઝરાયલના રાષ્ટ્રપતિ, આઇઝેક હર્ઝોગે કહ્યું કે જંગલની આગ “આબોહવા સંકટનો એક ભાગ છે જેને આપણે અવગણવી ન જાઈએ”.આઇએએફ ચવાયુસેના અગ્નિશામક પ્રયાસોમાં મદદ કરવાનું ચાલુ રાખે છે.”
