વડાપ્રધાન નરેન્દ્ર મોદી ‘મન કી બાત’ કાર્યક્રમ દ્વારા દેશને સંબોધિત કરી રહ્યા છે. તેમણે કહ્યું કે ઈમરજન્સી દરમિયાન લોકોના અધિકારો છીનવાઈ ગયા હતા.લોકશાહીને કચડી નાખવાનો પ્રયાસ થયો હતો. ઈમરજન્સી દરમિયાન લોકોના સંઘર્ષનો સાક્ષી બનવાનું સૌભાગ્ય પણ મને મળ્યું. વડાપ્રધાને કહ્યું કે, આજે જ્યારે દેશ આઝાદીનો અમૃત ઉત્સવ મનાવી રહ્યો છે ત્યારે આપણે કટોકટીનો ભયાનક સમય ભૂલવો ન જોઈએ.
તેમણે કહ્યું કે લોકોના જીવનનો અધિકાર છીનવાઈ ગયો છે. આમ છતાં લોકોનો લોકશાહીમાંથી વિશ્વાસ ઓછો થયો નથી. પીએમ મોદીએ મન કી બાતમાં કહ્યું, છેલ્લા કેટલાક વર્ષોમાં અંતરિક્ષ ક્ષેત્રમાં ઘણા કામ થયા છે. અગાઉ સ્પેસ સેક્ટરમાં સ્ટાર્ટઅપ્સ વિશે વિચાર્યું પણ નહોતું, પરંતુ નાના શહેરોના યુવાનો આ ક્ષેત્રમાં કામ કરી રહ્યા છે. તેમણે કહ્યું કે, જો દેશના યુવાનો આકાશને સ્પર્શવા તૈયાર હોય તો આપણો દેશ કેવી રીતે પાછળ રહી શકે.
વડાપ્રધાન નરેન્દ્ર મોદીએ જગન્નાથ યાત્રા, પંઢરપુર યાત્રા, અમરનાથ યાત્રા, દક્ષિણ ભારતમાં સબરીમાલા યાત્રા નો ઉલ્લેખ કરી જણાવ્યું કે આ પ્રવાસો આપણને ગરીબોની સેવા કરવાની તક આપે છે. આ યાત્રાઓમાં એક ભારત, શ્રેષ્ઠ ભારતની ઝલક જોવા મળે છે. આ યાત્રાઓમાં કોઈ અમીર કે ગરીબ નથી. બધા ભક્તો છે. જ્યારે પણ તમને આવી મુસાફરી કરવાનો મોકો મળે, ત્યારે સેવાની તક ગુમાવશો નહીં. પીએમ મોદીએ સ્વચ્છતા, કોરોના રસી અંગે પણ ચર્ચા કરી અને કહ્યું કે સ્વચ્છતા પર વિશેષ ધ્યાન આપવું જોઈએ.
નીરજ ચોપરાએ પોતાનો જ રેકોર્ડ તોડવાનો ઉલ્લેખ કરતા વડાપ્રધાન નરેન્દ્ર મોદીએ કહ્યું કે અમે રમતગમત અને સ્પેસ સ્ટાર્ટઅપ દ્વારા વિકાસ કરીશું. વડાપ્રધાન નરેન્દ્ર મોદીએ પણ ખેલો ઈન્ડિયાનો ઉલ્લેખ કર્યો હતો. પીએમએ કહ્યું કે આ ગેમ્સમાં કુલ ૧૨ રેકોર્ડ તોડવામાં આવ્યા છે, જેમાંથી ૧૧ રેકોર્ડ મહિલા ખેલાડીઓએ તોડ્યા છે. પીએમ મોદીએ કાશ્મીરના આદિલનો ઉલ્લેખ કર્યો. તેના પિતાનો ઉલ્લેખ કર્યો. વેઇટ લિફ્ટિંગ વિજેતા પિતા સાથે ચર્ચા કરી. પરિવારની મહેનતના કારણે આ બાળકોએ કરિશ્મા કર્યો છે. રોહતકની તનુનો ઉલ્લેખ કરતા કહ્યું કે તનુના પિતા ડ્રાઈવર છે પરંતુ તનુએ કુશ્તીમાં ગોલ્ડ જીતીને તેના પિતાને ગૌરવ અપાવ્યું છે.
વડાપ્રધાન નરેન્દ્ર મોદીએ કહ્યું કે ખેલો ઈન્ડિયામાં ૫ સ્વદેશી રમતોનો સમાવેશ કરવામાં આવ્યો છે. પીએમ મોદીએ ચેસ ઓલિમ્પિયાડનો પણ ઉલ્લેખ કર્યો. પીએમે કહ્યું કે જ્યારે રમતની વાત આવે છે, ત્યારે હું ભારતની સૌથી પ્રતિભાશાળી ક્રિકેટર મિતાલી રાજનો ઉલ્લેખ કરવા માંગુ છું. મિતાલી ઘણા ખેલાડીઓ માટે પ્રેરણારૂપ રહી છે. હું તેમને ઉજ્જવળ ભવિષ્ય માટે શુભેચ્છા પાઠવું છું.
વડાપ્રધાન નરેન્દ્ર મોદીએ કહ્યું કે અગરતલાની ચિતુરેઈ નદીને બચાવવા માટે એક અનોખો પ્રયોગ કરવામાં આવ્યો. યુવાનોએ નદીમાંથી નીકળતા પ્લાસ્ટિકના કચરાનો રસ્તા બનાવવા માટે ઉપયોગ કર્યો છે. આજે મિઝોરમના એક ગામનો રસ્તો આ પ્લાસ્ટિકના કચરાથી બનેલો છે. એટલે કે સ્વચ્છતાની સાથે સાથે વિકાસ પણ. પીએમ મોદીએ સિંગલ યુઝ પ્લાસ્ટિક વિરુદ્ધ અભિયાનને વધુ મજબૂત બનાવવાની વાત કરી હતી. તેમણે કહ્યું કે હાલ હિમાચલ પ્રદેશમાં સાયકલિંગ સ્પર્ધા ચાલી રહી છે. જ્યાં પર્યાવરણ બચાવો, નદી બચાવો તેવા પ્રયાસો કરવામાં આવી રહ્યા છે.