ઇફ્કોની ચૂંટણી વટનો સવાલ બનીને ઘણું ખુલ્લી પડી છે, ભાજપ હાઈકમાન્ડના આદેશને અવગણી રાદડિયાએ મેદાન માર્યું, ત્યારે હવે ભાજપ આકરાં પગલાં લઇ શકે છે. આ વચ્ચે રાદડિયા સામે વિરોધના સૂર ઉઠ્યા છે. પાર્ટી સામે બળવો કરીને જેતપુરના ધારાસભ્ય જયેશ રાદડિયાએ ઇફ્કોના ડિરેક્ટરની ચૂંટણીમાં ફોર્મ ભર્યું હતું. એટલું જ નહીં ભાજપના સત્તાવાર ઉમેદવાર બિપીન ગોતાને હરાવીને વિજેતા પણ બન્યા. ગુજરાત ભાજપનું મોવડી મંડળ આ નિર્ણયથી સમસમી ગયું છે. ત્યારે ઈફ્કોની ચૂંટણીમાં જયેશ રાદડિયાની જીત બાદ ભાજપમાં ભડકો થયેલો જાવા મળી રહ્યો છે. મેન્ડેટ ન મળ્યા હોવા છતાં રાદડિયા જીત થતા ભાજપનું બીજું જૂથ મેદાને આવ્યું છે. રાજકોટ ભાજપના અગ્રણી અને સહકારી નેતા બાબુ નસીતે જયેશ રાદડિયા અને તેમને મત આપનાર સામે પગલાં લેવાની માંગ કરી છે.
બાબુભાઈએ કહ્યું કે મેન્ડેટ પ્રથા મુજબ ઈફ્કોમાં કાર્યવાહી કરવા માંગ કરી છે. લોધિકા સંઘની જેમ ઈફ્કોની ચૂંટણીમાં કાર્યવાહી કરવા કહ્યું છે. આ સાથે જ સહકારી સંસ્થાઓમાં ચાલતા ભષ્ટાચારની નિષ્પક્ષ તપાસ કરો એમ પણ કહ્યું છે. તેઓએ રાદડિયાને નિશાન બનાવતા કહ્યું કે મેન્ડેટ વિરુદ્ધ લડનાર રાદડિયા સામે પગલા લો. મેં હાઈકોર્ટમાં આ મુદ્દે પિટીશન કરી હતી એમ પણ કહ્યું હતું.
ત્રીજા તબક્કા દરમિયાન ગુજરાતની તમામ લોકસભા બેઠકો પર ચૂંટણી પૂર્ણ થઈ છે, આવામાં હવે અંદરનો વિખવાદ અને ટિકિટની વહેંચણીનો મુદ્દો સામે આવ્યો છે. અમરેલીના સાંસદ રહી ચૂકેલા નારણ કાછડિયાના બદલે આ વખતે અમરેલી બેઠક પરથી ભરત સુતરિયાને ઉતારવામાં આવ્યા હતા. હવે કાછડિયા દ્વારા પક્ષ સામે ઉભરો ઠાલવીને મુદ્દો ઉઠાવવામાં આવ્યો છે. જેમાં પક્ષ પલટો કરીને આવતા નેતાઓને ટિકિટ આપવા મુદ્દે નારાજગી વ્યક્ત કરી છે. તેમણે સી.આર.પાટીલના નેતૃત્વને લઇને નારાજગી વ્યક્ત કરી હતી. નોંધનીય છે સહકારી ક્ષેત્રના દિગ્ગજ નેતા દિલીપ સંઘાણીએ નામ લીધા સિવાય પાટીલ પર આરોપ લગાવ્યા હતા. તેમણે ભાજપમાં આવતા કોંગ્રેસના નેતાઓને પદ આપવા મામલે પ્રદેશ નેતૃત્વ પર સવાલ ઉઠાવ્યા હતા.
દિલીપ સંઘાણી ચેરમેન તરીકે બિનહરીફ જીત્યા તો સાથે જ દિલીપ સંઘાણી સતત બીજી વખત બન્યા ચેરમેન. વાઈસ ચેરમેન તરીકે બલવિંદરસિંઘની નિયુક્તિ કરાઈ. બલવિંદર સિંઘ યૂપીના સહકારી નેતા છે.જેતપુરના ધારાસભ્ય જયેશ રાદડિયાનો ઇફકોની ચૂંટણીમાં ભવ્ય વિજય થયો હતો. જયેશ રાદડિયાને કુલ ૧૮૦ મતમાંથી ૧૧૪ જેટલા મતો મળ્યા, જ્યારે ભાજપમાંથી મેન્ડેટ મેળવીને ચૂંટણી લડનાર બિપીન પટેલને માત્ર ૬૬ મતો મળ્યા.
સહકારી નેતાઓ પાર્ટી સામે જ પડ્યા. પાર્ટીના મેન્ડેટ વિરુદ્ધ જઈને ઉમેદવારી નોંધાવી હતી. ભાજપે ઈફ્કોની ચૂંટણીમાં બિપીન ગોતાને મેન્ડેટ આપ્યું છે. પાર્ટીના મેન્ડેટ સામે ૨ સહકારી નેતાઓનો બળવો સામે આવ્યો છે. જયેશ રાદડિયા, પંકજ પટેલની મેન્ડેટ વિરુદ્ધ ઉમેદવારી હોવાથી વિવાદ વકર્યો છે. મોડાસાના પંકજ પટેલે ભાજપ વિરુદ્ધ બળવો કર્યો. પંકજ પટેલ અરવલ્લીની અનેક સહકારી સંસ્થામાં ડિરેક્ટર છે તો જયેશ રાદડિયા પણ સહકારી સંસ્થામાં અગ્રણી છે. અરવલ્લી અને રાજકોટની સહકારી સંસ્થાઓમાં નવજુનીના અેંધાણ છે.
