મુંબઈની એક ખાસ મકોકા કોર્ટે દાઉદ ઈબ્રાહિમના ભાઈ ઈકબાલ કાસકરને ખંડણીના આરોપોમાંથી મુક્ત કર્યો છે. કાસકર પર ૨૦૧૫ માં એક રિયલ એસ્ટેટ ડેવલપર પાસેથી ૩૦ લાખ રૂપિયા અને ચાર ફ્લેટની માંગણી કરવાનો આરોપ હતો. જોકે, કોર્ટે
બધા આરોપોને ફગાવી દીધા હતા. તે હાલમાં એક અલગ મની લોન્ડરિંગ કેસમાં જેલમાં છે. આ કેસ થાણેના કાસરવાડાવલી પોલીસ સ્ટેશનમાં નોંધાયેલો હતો અને છોટા શકીલ પણ તેમાં સામેલ હતો. ખાસ કોર્ટે ભાગેડુ ગેંગસ્ટર દાઉદ ઇબ્રાહિમના ભાઈ ઇકબાલ કાસકરને ખંડણીના કેસમાં નિર્દોષ જાહેર કર્યો. કોર્ટે કહ્યું કે કાસકર સામે ભારતીય દંડ સંહિતાની કલમ ૩૮૪, ૩૮૬ અને ૩૮૭ અને મહારાષ્ટ્ર સંગઠિત ગુના નિયંત્રણ અધિનિયમ હેઠળના આરોપો સાબિત થઈ શક્યા નથી.
સ્પેશિયલ જજ બી.ડી. શેલ્કેએ કાસકરને તમામ આરોપોમાંથી મુક્ત કરી દીધો, અને કહ્યું કે ફરિયાદ પક્ષ તેની વિરુદ્ધ નક્કર પુરાવા રજૂ કરી શક્યો નથી. જોકે, કાસકરની જેલમાંથી મુક્તિ હાલ શક્ય નથી કારણ કે એન્ફોર્સમેન્ટ ડિરેક્ટોરેટ (ઈડી) દ્વારા તેની સામે મની લોન્ડરિંગનો કેસ હજુ પણ પેન્ડીંગ છે.
આ કેસ ૨૦૧૫નો છે, જ્યારે કાસકર પર થાણે સ્થિત રિયલ એસ્ટેટ ડેવલપર પાસેથી ૩૦ લાખ રૂપિયા અને ચાર ફ્લેટની માંગણી કરવાનો આરોપ મૂકવામાં આવ્યો હતો. પોલીસનું કહેવું છે કે આ ધમકીભર્યા ખંડણીના પ્રયાસમાં, એક ફ્લેટ સહ-આરોપી (જે હવે મૃત્યુ પામ્યો છે) ના નામે પણ નોંધાયેલો હતો.
છોટા શકીલ પણ આ કેસમાં આરોપી છે. કાસરવડાવલી પોલીસ સ્ટેશનમાં નોંધાયેલી એફઆઈઆરમાં કાસકર ઉપરાંત છોટા શકીલનો પણ વોન્ટેડ આરોપી તરીકે ઉલ્લેખ કરવામાં આવ્યો છે.
૨૦૦૩માં યુએઈમાંથી દેશનિકાલ કરાયેલા કાસકર પર ભારતમાં દાઉદ ઈબ્રાહિમના કામકાજનું સંચાલન કરવાનો શંકા છે. દાઉદ પાકિસ્તાનના કરાચીથી કામ કરી રહ્યો હોવાનું માનવામાં આવે છે અને તેના ગુપ્તચર એજન્સીઓ અને આતંકવાદી સંગઠનો સાથે સંબંધો છે.
ફેબ્રુઆરી ૨૦૨૨ ની શરૂઆતમાં, કાસકરને ઈડ્ઢ અધિકારીઓ દ્વારા મુંબઈ અને ભારતના અન્ય ભાગોમાં દાઉદ ગેંગની કામગીરી વિશે પૂછપરછ કરવામાં આવી હતી. કાસકર, શેખ અને સઈદના નિવાસસ્થાનો પર તપાસ હાથ ધરવામાં આવી હતી.
થાણે પોલીસના અંતિમ અહેવાલમાં મહારાષ્ટ્ર કંટ્રોલ ઓફ ઓર્ગેનાઈઝ્ડ ક્રાઈમ એક્ટના ઉલ્લંઘન અને ત્યારબાદ ભારતીય દંડ સંહિતાની કલમો હેઠળ ખંડણી અને કાવતરું સહિતનો ઉલ્લેખ કર્યા બાદ ઈડ્ઢએ એપ્રિલ ૨૦૨૨ માં પ્રિવેન્શન ઓફ મની લોન્ડરિંગ એક્ટ હેઠળ ચાર્જશીટ દાખલ કરી હતી. ઈડ્ઢ ની તપાસમાં જાણવા મળ્યું કે ભંડોળ એકત્ર કરાયેલા લાભાર્થીઓને છુપાવવા માટે નાણાકીય વ્યવહારો કરવામાં આવ્યા હતા.
