આઇપીએલ ૨૦૨૫ ના અંત પછી, ટીમ ઈન્ડીયા જૂનમાં ઈંગ્લેન્ડના પ્રવાસે જવાનું છે. આ પ્રવાસ પર ઈંગ્લેન્ડ અને ભારત વચ્ચે પાંચ મેચની ટેસ્ટ શ્રેણી રમાશે. ૨૦ જૂનથી શરૂ થનારી શ્રેણી માટે ટીમની જાહેરાત પણ આ મહિને થવાની છે. દરમિયાન, બીસીસીઆઈના ભૂતપૂર્વ મુખ્ય પસંદગીકાર એમએસકે પ્રસાદે એવા ત્રણ ખેલાડીઓના નામ આપ્યા છે જેમને ઈંગ્લેન્ડ સામેની આગામી શ્રેણી માટે ભારતીય ટીમનો ભાગ બનવું જાઈએ. એમએસકે પ્રસાદ માને છે કે આ ટેસ્ટ શ્રેણી માટે ભારતીય ટીમમાં અર્શદીપ સિંહ, સાઈ સુદર્શન અને કુલદીપ યાદવનો સમાવેશ થવો જાઈએ.
ભૂતપૂર્વ મુખ્ય પસંદગીકાર એમએસકે પ્રસાદે પીટીઆઈને જણાવ્યું હતું કે ઇંગ્લેન્ડ સામેની આગામી શ્રેણી માટે સાઈ સુદર્શનને ટીમ ઈન્ડીયાનો ભાગ બનવું જાઈએ. તેમણે કહ્યું કે વર્લ્ડ ટેસ્ટ ચેમ્પિયનશિપનું એક નવું ચક્ર શરૂ થઈ રહ્યું છે અને આ ખેલાડીઓને ટીમમાં સામેલ કરવાનો આ યોગ્ય સમય છે. પ્રસાદે કહ્યું કે જા રોહિત ટીમનો ભાગ હોય તો તે જયસ્વાલ સાથે ઇનિંગની શરૂઆત કરશે અને ત્રીજા ઓપનિંગ બેટ્સમેનના વિકલ્પ તરીકે સાઈ સુદર્શનને ટીમમાં સામેલ કરી શકાય છે.
એમએસકે પ્રસાદે પણ શ્રેયસ ઐયર અંગે પોતાનો અભિપ્રાય આપ્યો છે. તેમણે કહ્યું કે શ્રેયસ ઐયરે સફેદ બોલના ક્રિકેટમાં ખૂબ સારું પ્રદર્શન કર્યું છે, પરંતુ તેઓ તેમને ઇંગ્લેન્ડ શ્રેણી માટે ટીમમાં પસંદ કરશે નહીં. ઝડપી બોલિંગ અંગે પ્રસાદે કહ્યું કે પસંદગીકારોએ પ્રખ્યાત કૃષ્ણા અને અર્શદીપ સિંહનો ટીમમાં સમાવેશ કરવો જાઈએ, જેમની પાસે બંને બાજુ બોલ સ્વિગ કરવાની ક્ષમતા હોય. ત્રણ સ્પિનરો તરીકે, તેમણે ટીમમાં રવિન્દ્ર જાડેજા, વોશિંગ્ટન સુંદર અને કુલદીપ યાદવનો સમાવેશ કરવાની વાત કરી.
તમને જણાવી દઈએ કે સાઈ સુદર્શન આઈપીએલની ચાલુ સીઝનમાં શાનદાર પ્રદર્શન કરી રહ્યા છે. આ સિઝનમાં સૌથી વધુ રન બનાવનારા ખેલાડીઓની યાદીમાં તે બીજા ક્રમે છે. સાઈ સુદર્શને અત્યાર સુધીમાં ૧૦ મેચમાં ૫૦૪ રન બનાવ્યા છે. જ્યારે અર્શદીપ સિંહ ૧૬ વિકેટ સાથે સૌથી વધુ વિકેટ લેનારા બોલરોની યાદીમાં ટોપ-૩માં છે. દિલ્હી કેપિટલ્સ તરફથી રમતા કુલદીપ યાદવે પણ આ આઇપીએલ સિઝનમાં અત્યાર સુધી સારું પ્રદર્શન કર્યું છે.
