માત્ર ૧૪ વર્ષની ઉંમરે, ભારતના સ્ટાર બેટ્સમેન વૈભવ સૂર્યવંશી સમગ્ર વિશ્વમાં પોતાનો ચાર્મ ફેલાવી રહ્યો છે. હાલમાં તે ઇંગ્લેન્ડ પ્રવાસ પર યુથ સિરીઝ માટે ભારતીય અંડર-૧૯ ટીમનો ભાગ છે, પરંતુ તેની ફેન ફોલોઇંગ સતત વધી રહી છે. આ બેટ્સમેને ઇંગ્લેન્ડની અંડર-૧૯ ટીમ સામે પાંચ મેચની વનડે શ્રેણીમાં ઘણા રેકોર્ડ તોડ્યા હતા.આઇપીએલ ૨૦૨૫ માં તેની પહેલી સીઝનમાં, આ બેટ્સમેને સૌથી ઝડપી સદી (ભારતીય) ફટકારીને પણ હેડલાઇન્સમાં સ્થાન મેળવ્યું હતું. જોકે, હવે તે માત્ર ભારતમાં જ નહીં પરંતુ ભારતમાં પણ એક વૈશ્વીક સ્ટાર બની ગયો છે અને તેનો પુરાવો એ છે કે ઇંગ્લેન્ડ પ્રવાસ પર, બે ચાહક છોકરીઓએ તેને મળવા માટે છ કલાક કારમાં મુસાફરી કરી હતી.
રાજસ્થાન રોયલ્સના ટીવટ અનુસાર, અન્યા અને રીવા નામની આ બે છોકરીઓ વૈભવની એક ઝલક મેળવવા અને તેની સાથે એક ફોટો મેળવવા માટે છ કલાકની ડ્રાઇવ પછી વોર્સેસ્ટર પહોંચી હતી. બંને છોકરીઓએ રાજસ્થાન રોયલ્સ જર્સી પહેરી હતી. આનો ફોટો શેર કરતા રાજસ્થાને લખ્યું, ‘આ એ વાતનો પુરાવો છે કે અમારા ચાહકો શ્રેષ્ઠ છે.’ રાજસ્થાને લખ્યું કે બંને છોકરીઓ માટે આ દિવસ યાદગાર હતો.
ભારતીય અંડર-૧૯ ટીમે ઇંગ્લેન્ડની અંડર-૧૯ ટીમને હરાવી પાંચ મેચની યુવા વનડે શ્રેણી ૩-૨થી જીતી. રન બનાવવાથી લઈને વિકેટ લેવા સુધી, ભારતીયોએ યુવા વનડે શ્રેણીમાં પ્રભુત્વ મેળવ્યું. વૈભવ સૂર્યવંશીએ સૌથી વધુ રન બનાવ્યા, જ્યારે કનિષ્ક ચૌહાણે સૌથી વધુ વિકેટ લીધી. વૈભવે આ શ્રેણીમાં ઘણી તોફાની ઇનિંગ્સ રમી. તેણે પાંચેય મેચમાં ભાગ લીધો અને પાંચ ઇનિંગ્સમાં ૭૧.૦૦ ની સરેરાશ અને ૧૭૪.૦૨ ના સ્ટ્રાઇક રેટ સાથે ૩૫૫ રન બનાવ્યા. આમાં એક સદી અને એક અડધી સદીનો સમાવેશ થાય છે.
વૈભવ એક જ યુવા વનડે મેચની એક ઇનિંગમાં સૌથી વધુ છગ્ગા ફટકારનાર ભારતીય બન્યો. તેણે પોતાની સદીની ઇનિંગ દરમિયાન ૧૦ છગ્ગા ફટકારીને પોતાના અગાઉના રેકોર્ડ (નવ છગ્ગા)માં સુધારો કર્યો. વૈભવ પહેલા, એક જ અંડર-૧૯ યુવા વનડે મેચની એક ઇનિંગમાં સૌથી વધુ છગ્ગા ફટકારવાનો ભારતીય રેકોર્ડ રાજ બાવા (૮ છગ્ગા)ના નામે હતો. તેણે ૨૦૨૨માં યુગાન્ડા સામે આ સિદ્ધિ મેળવી હતી.
