બિહારમાં ફરી એકવાર બંગલા અંગે રાજકારણ ફાટી નીકળ્યું છે. રાષ્ટ્રીય જનતા દળ (રાજદ) ના ઘણા વરિષ્ઠ નેતાઓએ ભૂતપૂર્વ મુખ્યમંત્રી રાબડી દેવીને તેમનો સરકારી બંગલો ખાલી કરવાનો આદેશ આપવા બદલ રાષ્ટ્રીય લોકશાહી જાડાણ (એનડીએ ) સરકારની આકરી ટીકા કરી. તેમણે સરકાર પર “બદલાની રાજનીતિ” કરવાનો આરોપ લગાવ્યો. આ આરોપનો જવાબ આપતા, મુખ્યમંત્રી સમ્રાટ ચૌધરીએ કહ્યું કે સરકારી બંગલો કોઈનો વારસો નથી.
સરકારી રહેઠાણ અંગે વિપક્ષ પર નિશાન સાધતા, મુખ્યમંત્રી સમ્રાટ ચૌધરીએ મંગળવારે કહ્યું, “સરકારી બંગલો કોઈનો વારસો નથી. જનતાની સેવા કરવી સર્વોપરી છે. અને તેઓ પાર્ટીના નિર્દેશ પર ૨૪ કલાકમાં સરકારી રહેઠાણ ખાલી કરી શકે છે.”
સીએમ ચૌધરીએ કડક શબ્દોમાં કહ્યું, “મારા દીકરાને અલગ ઘર જાઈએ છે, મારી માતાને અલગ ઘર જાઈએ છે, અને જનતાને એકલા છોડી દો. અમે જનતાની સેવા કરવા આવ્યા છીએ, તેથી તમારા ઘરની ચિંતા કરવાનું બંધ કરો. જે દિવસે પાર્ટી અને અમારા નેતાઓ કહેશે કે તમારું કામ અહીં સમાપ્ત થાય છે, સમ્રાટ ચૌધરી ૨૪ કલાકની અંદર પોતાનો સામાન પેક કરીને પોતાના ખાનગી ઘરે જશે અને હવે સરકારી ઘરમાં રહેશે નહીં.”
મુખ્યમંત્રી ચૌધરીના બંગલા અંગેના નિવેદન પર પ્રતિક્રિયા આપતા, આરજેડી પ્રવક્તા એજાઝ અહેમદે કહ્યું કે આ એક મુખ્યમંત્રીને શોભતું નથી. મુખ્યમંત્રી પોતે એક સાથે બે બંગલા પર કબજા કરે છે. ઘણા ભૂતપૂર્વ મંત્રીઓ અને ભૂતપૂર્વ ધારાસભ્યોને પણ બંગલાની વૈભવી સુવિધા આપવામાં આવી છે.
અગાઉ, રાબડી દેવીને સરકારી બંગલો ખાલી કરવાનું કહેવામાં આવ્યું હતું. પટણાના ૧૦ સર્ક્યુલર રોડ પરનો બંગલો, જ્યાં રાબડી દેવી અને તેમનો પરિવાર હાલમાં રહે છે, તે તાજેતરમાં રાજ્યના મત્સ્યઉદ્યોગ અને પશુ સંસાધન મંત્રી નંદ કિશોર રામને ફાળવવામાં આવ્યો હતો. જાકે, થોડા અઠવાડિયા પહેલા નંદ કિશોરને ૨૧ હા‹ડગ રોડ ખાતે એક સરકારી નિવાસસ્થાન પણ ફાળવવામાં આવ્યું હતું.
આરજેડીના મુખ્ય રાષ્ટ્રીય મહાસચિવ અબ્દુલ બારી સિદ્દીકીએ રાજ્ય સરકારના નિર્ણય પર સરકારની નીતિઓની ટીકા કરતા વિપક્ષી પક્ષોને નિશાન બનાવવાનો આરોપ લગાવ્યો. તેમણે કહ્યું, “લોકશાહીની સુંદરતા સરકારની ખામીઓને ઉજાગર કરવામાં રહેલી છે. જા સરકાર ભૂલ કરે છે, તો તેને જવાબદાર ઠેરવવાની જવાબદારી વિપક્ષની છે.” પરંતુ બિહારમાં શાસક એનડીએ ગઠબંધન ઇચ્છે છે કે વિપક્ષ દરેક બાબતમાં સરકાર સાથે સંમત થાય. નહિંતર, તેમને વિવિધ રીતે હેરાન કરવામાં આવે છે.”
સિદ્દીકીએ મુખ્યમંત્રીના ૧ એન માર્ગ સ્થિત નિવાસસ્થાન અને ૫ દેશરત્ન માર્ગ સ્થિત બંગલાને લોક સેવક આવાસમાં ભેળવી દેવા પર પણ સવાલ ઉઠાવ્યા. તેમણે પ્રશ્ન કર્યો, “મુખ્યમંત્રી ચૌધરીએ સમજાવવું જાઈએ કે સંયુક્ત મુખ્યમંત્રી નિવાસસ્થાન બનાવવા માટે બે બંગલાને શા માટે મર્જ કરવામાં આવ્યા અને તેનું નામ લોક સેવક આવાસ કેમ રાખવામાં આવ્યું, જ્યારે નાયબ મુખ્યમંત્રી અન્ય બંગલામાં રહે છે.”
આરજેડીના પ્રદેશ પ્રમુખ મંગણી લાલ મંડલે એનડીએ સરકાર પર પ્રહાર કરતા કહ્યું કે સરકારી બંગલાની ફાળવણી નિર્ધારિત નિયમો અને ધોરણો અનુસાર થવી જાઈએ, પરંતુ બિહારમાં આવું થઈ રહ્યું નથી. મંડલે એવો પણ આરોપ લગાવ્યો કે સરકાર ભૂતપૂર્વ મુખ્યમંત્રી લાલુ પ્રસાદ યાદવ અને તેમના પરિવારનું અપમાન કરવાના ઈરાદાથી કાર્ય કરી રહી છે. પાર્ટી ૧૦ સર્ક્યુલર રોડ સ્થિત બંગલાને ખાલી કરવાના આદેશ સામે કોર્ટમાં જવાનું નક્કી કરી શકે છે.
