દિલ્હીની એક કોર્ટે બુધવારે ૨૬/૧૧ મુંબઈ આતંકવાદી હુમલાના આરોપી તહવ્વુર હુસૈન રાણાની ન્યાયિક કસ્ટડી ૧૩ ઓગસ્ટ સુધી લંબાવી. અગાઉ આપવામાં આવેલી ન્યાયિક કસ્ટડીની મુદત પૂરી થયા પછી રાણાને વીડિયો કોન્ફરન્સ દ્વારા કોર્ટમાં રજૂ કરવામાં આવ્યા ત્યારે સ્પેશિયલ જજ ચંદર જીત સિંહે આ આદેશ આપ્યો.
રાણા ૨૬/૧૧ ના મુખ્ય કાવતરાખોર અમેરિકન નાગરિક ડેવિડ કોલમેન હેડલી ઉર્ફે દાઉદ ગિલાનીનો નજીકનો સાથી છે. ૪ એપ્રિલે યુએસ સુપ્રીમ કોર્ટે તેના ભારત પ્રત્યાર્પણ સામેની સમીક્ષા અરજી ફગાવી દીધા બાદ તેને ભારત લાવવામાં આવ્યો હતો.
તહવ્વુર રાણા હાલમાં દિલ્હીની તિહાર જેલમાં રાષ્ટ્રીય તપાસ એજન્સીની કસ્ટડીમાં છે. ૨૬/૧૧ ના હુમલા સંબંધિત કેસોમાં તેની પૂછપરછ કરવામાં આવી રહી છે. તમને જણાવી દઈએ કે પાકિસ્તાનથી બોટ દ્વારા આવેલા લશ્કર-એ-તૈયબાના ૧૦ આતંકવાદીઓએ માયાનગરીને લગભગ ૬૦ કલાક સુધી બંધક બનાવી રાખી હતી. આ સમય દરમિયાન આતંકવાદીઓએ ૧૬૦ થી વધુ લોકોની હત્યા કરી હતી. બદલામાં, સુરક્ષા દળોએ નવ આતંકવાદીઓને સ્થળ પર જ ઠાર માર્યા હતા, જ્યારે એક આતંકવાદી અજમલ કસાબને જીવતો પકડી લેવામાં આવ્યો હતો.
