જ્યારે અનુષ્કા યાદવ સાથે તેજ પ્રતાપ યાદવનું નામ આવ્યું, ત્યારે લાલુના પરિવારમાં ભૂકંપ આવ્યો. લાલુ યાદવે તેજ પ્રતાપ યાદવને પાર્ટી અને ઘર બંનેમાંથી હાંકી કાઢવાનો આદેશ આપ્યો. હવે, આ મામલે રાષ્ટ્રીય જનતા દળના સાંસદનું મોટું નિવેદન સામે આવ્યું છે.રાજદના સાંસદ સુધાકર સિંહે તેજ પ્રતાપ યાદવનો બચાવ કર્યો છે.
સુધાકર સિંહે કહ્યું કે બે વાર લગ્ન કરવામાં કંઈ ખોટું નથી. સુધાકર સિંહે સ્વર્ગસ્થ પૂર્વ કેન્દ્રીય મંત્રી રામવિલાસ પાસવાનનું ઉદાહરણ આપ્યું છે. તેમણે કહ્યું, ‘તેજ પ્રતાપ યાદવે જે કર્યું તે અનૈતિક નથી. હું વ્યક્તિગત રીતે તેને અનૈતિક નથી માનતો.’
આ સાથે, રાજદ સાંસદે કહ્યું કે ભારતીય હિન્દુ રિવાજા મુજબ બે લગ્ન થઈ રહ્યા છે. અમે ત્રણ, ચાર લગ્ન વિશે સાંભળ્યું છે. હવે પણ ઘણા લોકો લગ્ન કરી રહ્યા છે.રાજદ સાંસદે આગળ કહ્યું, ‘કેન્દ્રીય મંત્રી ચિરાગ પાસવાનનું ઉદાહરણ લો, તેઓ બીજી માતાથી જન્મ્યા હતા. ઘણા લોકોએ બે કે ત્રણ લગ્ન કર્યા છે. આ કોઈ મોટી વાત નથી. આ બધું ગુનાની શ્રેણીમાં આવતું નથી.’
આ સાથે, તેમણે લાલુ યાદવને અપીલ કરી છે કે તેઓ તેમના મોટા પુત્ર તેજ પ્રતાપ યાદવને સ્વીકારે. એ વાત જાણીતી છે કે દિવંગત નેતા રામવિલાસ પાસવાને બે લગ્ન કર્યા હતા. આરજેડી સાંસદ તેજ પ્રતાપ યાદવ માટે પણ આ જ ઉદાહરણ આપવામાં આવ્યું છે.
