મહારાષ્ટ્રમાં ભાષા વિવાદ વધ્યો છે. રાજ્યમાં મરાઠી અને અંગ્રેજી માધ્યમની શાળાઓમાં ધોરણ ૧ થી ૫ ના વિદ્યાર્થીઓ માટે હિન્દીને ફરજિયાત ત્રીજી ભાષા બનાવવાનો વિરોધ થઈ રહ્યો છે. શિવસેના (યુબીટી) નેતા આદિત્ય ઠાકરેએ પણ આ અંગે પ્રતિક્રિયા આપી છે. તેમણે કહ્યું કે, બંને લોકો વચ્ચેની બેઠકમાં એવું નક્કી થયું છે કે કોઈ બિહારમાં હિન્દીનો મુદ્દો ઉઠાવશે અને કોઈ બીએમસી ચૂંટણીમાં મરાઠીનો મુદ્દો ઉઠાવશે. અમે કોઈને ટેકો કે વિરોધ નથી કરતા. બીએમસી શાળાઓમાં, આપણે હિન્દી અને મરાઠીમાં પણ શીખીએ છીએ. આ પણ મહત્વપૂર્ણ છે. રાજ્યભાષાની સાથે અંગ્રેજી પણ હોવી જાઈએ. સિંગાપોરમાં પણ અંગ્રેજી ભાષાને પ્રાથમિકતા આપવામાં આવી છે.
આદિત્ય ઠાકરેએ કહ્યું, તમારે આપણી શિક્ષણ પ્રણાલી પર ધ્યાન આપવું જાઈએ. શું એ બાળક પહેલા ધોરણમાં આટલો બધો ભાર સહન કરી શકશે? શું તે એ,બી,સી વાંચી શકશે ? બાળકો પર વધારે ભાર ન આવે તેનું પણ ધ્યાન રાખો. પહેલા, શિક્ષક ભરતીનો મુદ્દો ઉકેલો. શાળાઓમાં મધ્યાહન ભોજન, લાઇટ, પંખા નથી. આ બધા પર પણ ધ્યાન આપો. મરાઠી શરૂઆતથી જ છે અને અંત સુધી રહેશે. તે પછી અંગ્રેજી હોવું જાઈએ. ટેકનોલોજી પર ધ્યાન આપો. બાળકોનું ભવિષ્ય સારું રહે તેવી શુભેચ્છા.
શિક્ષણના મુદ્દાની સાથે, તેમણે પાણીની સમસ્યા પર પણ સરકારને ઘેરી લીધી. આદિત્ય ઠાકરેએ કહ્યું કે મુંબઈમાં પાણીની ઘણી સમસ્યા છે. પાણીની સમસ્યાનો જવાબ કોઈ આપતું નથી. સરકાર કે સંબંધિત મંત્રી કંઈ બોલી રહ્યા નથી. ગરમીનું પ્રમાણ પણ વધી રહ્યું છે. ગઈકાલે મુખ્યમંત્રી સાહેબે આદેશ આપ્યો કે ૫ લાખ વૃક્ષો કાપવામાં આવી રહ્યા છે. વૃક્ષોની હત્યા થઈ રહી છે. થાણેમાં પણ વૃક્ષો કાપવામાં આવી રહ્યા છે… આ બધું કયા બિલ્ડર માટે થઈ રહ્યું છે?
ઘાટકોપરમાં માંસાહારી લોકોના મુદ્દા પર આદિત્ય ઠાકરેએ કહ્યું કે જા આવું થઈ રહ્યું છે તો તેમને ટ્રમ્પની જેમ દેશનિકાલ કરો. ત્યારે જ આપણે સમજી શકીશું કે આ સરકાર મરાઠી લોકોની સાથે ઉભી છે. તમને જણાવી દઈએ કે ઘાટકોપરમાં એક સમાજના લોકો અને મરાઠી ભાષી લોકો વચ્ચે ઉગ્ર ચર્ચા થઈ હતી. જ્યારે મામલો વધુ ઉગ્ર બન્યો ત્યારે પોલીસે દરમિયાનગીરી કરવી પડી. સોશિયલ મીડિયા પર એક વીડિયો પણ સામે આવ્યો છે. આમાં, મનસે કાર્યકરો સમાજમાં રહેતા ગુજરાતીઓ પર ત્યાં રહેતા મરાઠી ભાષી લોકો સાથે ગેરવર્તન કરવાનો આરોપ લગાવતા જાવા મળ્યા.
