ભારતીય શેર બજાર આજે બુધવારે લીલા નિશાન પર બંધ થયું છે. બોમ્બે સ્ટોક એક્સચેન્જ ઇન્ડેક્સ સેન્સેક્સ આજે ૦.૧૫ ટકા અથવા ૧૨૩ પોઈન્ટના વધારા સાથે ૮૨,૫૧૫ પર બંધ થયો. બજાર બંધ થવાના સમયે, સેન્સેક્સ પેકના ૩૦ શેરોમાંથી, ૧૫ શેર લીલા નિશાન પર અને ૧૫ લાલ નિશાન પર હતા. તે જ સમયે, નેશનલ સ્ટોક એક્સચેન્જ ઇન્ડેક્સ નિફ્ટી ૦.૧૫ ટકા અથવા ૩૭ પોઈન્ટના વધારા સાથે ૨૫,૧૪૧ પર બંધ થયો. એનએસઇ પર ટ્રેડ થયેલા ૨૯૯૫ શેરોમાંથી ૧૬૦૮ શેર લીલા રંગમાં, ૧૩૦૪ લાલ રંગમાં અને ૮૩ શેર કોઈપણ ફેરફાર વિના બંધ થયા.
સેન્સેક્સ પેક શેરોમાં,એચસીએલ ટેક, ઇન્ફોસિસ, ટેક મહિન્દ્રા, બજાજ ફિનસર્વ, રિલાયન્સ, ઝોમેટો,આઇસીઆઇસીઆઇ બેંક, અલ્ટ્રાટેક સિમેન્ટ, સન ફાર્મા, ટાટા મોટર્સ, ટાઇટન, મહિન્દ્રા અને મહિન્દ્રા, ટીસીએસ, ટાટા સ્ટીલ અને લાર્સન એન્ડ ટુબ્રોના શેરોમાં સૌથી વધુ વધારો નોંધવામાં આવ્યો હતો. આ ઉપરાંત, પાવર ગ્રીડ, ઇન્ડસઇન્ડ બેંક, અદાણી પોર્ટ્સ,એચડીએફસી બેંક, નેસ્લે ઇન્ડિયા,એચયુએલ બજાજ ફાઇનાન્સ, એશિયન પેઇન્ટ્સ, મારુતિ,એનટીપીસી એÂક્સસ બેંક,આઇટીસી એસબીઆઇ કોટક બેંક અને ભારતી એરટેલના શેર લાલ રંગમાં બંધ થયા.
ક્ષેત્રીય સૂચકાંકોની વાત કરીએ તો, નિફ્ટી ઓઇલ અને ગેસ સેક્ટરના શેરમાં સૌથી વધુ વધારો નોંધાયો હતો. આ ઉપરાંત, નિફ્ટી ઓટો ૦.૧૯ ટકા, નિફ્ટી આઇટી ૧.૨૬ ટકા, નિફ્ટી ફાર્મા ૦.૫૦ ટકા, નિફ્ટી રિયલ્ટી ૦.૦૯ ટકા, નિફ્ટી હેલ્થકેર ઇન્ડેક્સ ૦.૨૫ ટકા, નિફ્ટી મિડસ્મોલ હેલ્થકેર ૦.૫૯ ટકા વધ્યો. આ ઉપરાંત, નિફ્ટી મિડસ્મોલ ફાઇનાન્શીયલ સર્વિસિસ ૧.૦૪ ટકા, નિફ્ટી ફાઇનાન્શીયલ સર્વિસિસ એક્સ-બેંક ૦.૮૧ ટકા, નિફ્ટી કન્ઝ્યુમર ડ્યુરેબલ્સ ૦.૦૪ ટકા, નિફ્ટી પ્રાઇવેટ બેંક ૦.૨૬ ટકા, નિફ્ટી પીએસયુ બેંક ૦.૮૮ ટકા, નિફ્ટી મેટલ ૦.૧૫ ટકા, નિફ્ટી મીડિયા ૦.૦૭ ટકા, નિફ્ટી એફએમસીજી ૦.૬૭ ટકા ઘટ્યા હતા.
