અમેરિકાના ન્યૂયોર્ક ખાતે યોજાયેલ સહકારીતા વિષય ઉપર યોજાયેલ ઈવેન્ટમાં ઈફકોના ચેરમેન અને સહકારી આગેવાન દિલીપભાઈ સંઘાણીએ ધારદાર વકતવ્ય આપી સૌ કોઈને ભારતની સહકારીતાની ક્ષમતાનો પરિચય કરાવ્યો હતો. આંતરરાષ્ટ્રીય સહકારી વર્ષ ઉજવણી અતર્ગત ન્યુયોર્ક ખાતે વૈશ્વિક સહકારી મહાનુભાવોની ઉપસ્થિતિમાં યોજાયેલ કાર્યક્રમમાં આઈસીએ-એપીના પ્રમુખ ડો.ચંદ્રપાલસિહ યાદવ, નાફેડના ભૂતપૂર્વ પ્રમુખ ડો. બિજેન્દ્રસિહ, નાફેડના પ્રમખ જેઠાભાઈ ભરવાડ, નાફસ્કોબના એમ.ડી. ડો.ભીમા સુબ્રમણ્યમ્ા, યુએન સોશ્યલ ઈકોનોમી કાઉન્સિલના પ્રમુખ શ્રીમતી પૌલા ઓઝડા, મલ્લીકા કુમાર, ગુજરાત મહિલા ક્રેડીટ સોસાયટીના પ્રમુખ ગીતાબેન સંઘાણી, ઈફકોના જોઈન્ટ જનરલ મેનેજર (સહકારી વિકાસ) સંતોષકુમાર શુકલા સહિત વિશ્વના ખુણેખુણેથી મહાનુભાવો ઉપસ્થિત રહ્યા હતા. કાર્યક્રમનું સંચાલન કુ.સીમેલ એસીમ, મેચ્યુ કોગનેક તરફથી કરવામાં આવ્યું હતું. આંતરરાષ્ટ્રીય સહકારીતા વર્ષની ઉજવણી સમયે જ ન્યુયોર્ક ખાતે સંઘાણીનું પ્રભાવશાળી સંબોધન ભારતીય સહકારીતાની ક્ષમતાનો પરિચય કરાવનારુ હતું.
