ટી ૨૦ ફોર્મેટના ડેશિંગ બેટ્સમેન નિકોલસ પૂરને ૧૦ જૂને આંતરરાષ્ટ્રીય ક્રિકેટમાંથી નિવૃત્તિ લઈને સમગ્ર ક્રિકેટ જગતને આશ્ચર્યચકિત કરી દીધું. પૂરને ફક્ત આંતરરાષ્ટ્રીય ક્રિકેટમાંથી નિવૃત્તિ લીધી છે, હવે તે વિશ્વભરની ટી ૨૦ લીગમાં રમતા જાવા મળશે. દરમિયાન, મેજર લીગ ક્રિકેટની ૨૦૨૫ સીઝન પહેલા, એમઆઇ ન્યૂ યોર્કે નિકોલસ પૂરનને તેના કેપ્ટન તરીકે નિયુક્ત કર્યા છે. નિકોલસ પૂરને એમએલસી ૨૦૨૩ માં શાનદાર પ્રદર્શન કર્યું
નિકોલસ પૂરન ટી ૨૦ ક્રિકેટમાં સૌથી સફળ બેટ્સમેનોમાંનો એક છે. તે ૨૦૨૩ થી એમએલસીમાં રમી રહ્યો છે. પૂરને ૨૦૨૩ સીઝનમાં શાનદાર બેટિંગ કરી હતી. તે તે સીઝનમાં ૩૮૮ રન સાથે સૌથી વધુ રન બનાવનાર ખેલાડી હતો. એમઆઇ ન્યૂ યોર્કનું નેતૃત્વ ગયા સીઝન સુધી કિરોન પોલાર્ડ દ્વારા કરવામાં આવ્યું હતું. પરંતુ ૨૦૨૫ સીઝન શરૂ થાય તે પહેલાં, ફ્રેન્ચાઇઝીએ એક મોટો નિર્ણય લીધો અને પૂરનને કેપ્ટન તરીકે નિયુક્ત કર્યા. હવે જાવાનું એ છે કે એમઆઇ ટીમ તેની કેપ્ટનશીપ હેઠળ આ લીગમાં કેવું પ્રદર્શન કરે છે.
એમઆઇ ન્યૂ યોર્ક ટીમ ૨૦૨૩ માં એમએલસી ટાઇટલ જીતવામાં સફળ રહી હતી. તે જ સમયે, ગયા સીઝનમાં, પોલાર્ડની કેપ્ટનશીપ હેઠળ, ટીમ સેમિફાઇનલમાં પહોંચવામાં સફળ રહી હતી. આગામી સીઝનમાં, હવે પૂરન તેની કેપ્ટનશીપ હેઠળ ટીમ માટે ટાઇટલ જીતવા માંગશે.એમએલસી ૨૦૨૫ માં એમઆઇ ન્યૂ યોર્કનો પહેલો મુકાબલો ૧૩ જૂને ટેક્સાસ સુપર કિંગ્સ સામે હશે. આ મેચ ઓકલેન્ડ કોલિઝિયમ સ્ટેડિયમ ખાતે યોજાશે.
ફ્રેન્ચાઇઝીએ એક પ્રેસ રિલીઝ દ્વારા નિકોલસ પૂરનને કેપ્ટન બનાવવાની માહિતી આપી છે. ફ્રેન્ચાઇઝીએ લખ્યું છે કે અમારા હીરો, અમારા કેપ્ટન! નિકોલસ પૂરન – ૨૯ વર્ષીય પોકેટ ડાયનામાઇટ, એમઆઇએનવાયના સુપરસ્ટારને મેજર લીગ ક્રિકેટની ૨૦૨૫ સીઝન પહેલા એમઆઇ ન્યૂ યોર્કનો કેપ્ટન બનાવવામાં આવ્યો છે. ફ્રેન્ચાઇઝીએ વધુમાં જણાવ્યું હતું કે આ ડાબોડી વિકેટકીપર બેટ્સમેન વિશ્વના સૌથી ખતરનાક બેટ્સમેનોમાંનો એક છે. તે પોતાની કેપ્ટનશીપ હેઠળ ટીમને નવી ઊંચાઈઓ પર લઈ જવા માટે તૈયાર છે.
