જન સૂરજ પાર્ટીમાં મોટો હોબાળો મચી ગયો છે. પ્રશાંત કિશોરની જન સૂરજ પાર્ટીએ ગુરુવારે બિહાર વિધાનસભા ચૂંટણી માટે ૫૧ ઉમેદવારોની પ્રથમ યાદી જાહેર કરી. યાદી જાહેર થતાં જ પટના સ્થિત જન સૂરજ કાર્યાલયમાં ભારે હોબાળો મચી ગયો. અવધ કિશોર ઝાને બેનીપટ્ટી વિધાનસભા મતવિસ્તારમાંથી ટિકિટ ન મળ્યા બાદ, તેમના સમર્થકોએ ટિકિટ વિતરણમાં અનિયમિતતાનો આરોપ લગાવતા હોબાળો મચાવ્યો.ભૂતપૂર્વ કેન્દ્રીય મંત્રી આરસીપી સિંહે જન સૂરજ પાર્ટી વતી યાદી જાહેર કરી. મોહમ્મદ પરવેઝ આલમનું નામ આવતાની સાથે જ આ યાદીમાં હંગામો મચી ગયો. અવધ કિશોર ઝાના સમર્થકોએ સૂત્રોચ્ચાર કર્યા, “અમે બેનીપટ્ટીમાં જન સૂરજ પાર્ટી સ્થાપિત કરવા માટે અમારું લોહી વહેવડાવ્યું છે.” અવધ કિશોર ઝાનું નામ હંમેશા સમાચારમાં રહ્યું છે, અને હવે અચાનક એક નવું નામ સામે આવ્યું છે, જેણે ક્યારેય આ વિસ્તાર તરફ જાયું પણ નથી.પ્રશાંત કિશોરની જન સૂરજ પાર્ટીએ ૨૦૨૫ બિહાર વિધાનસભા ચૂંટણી માટે ૫૧ ઉમેદવારોની પ્રથમ યાદી જાહેર કરી છે. આ યાદીમાં ૭ અનામત અને ૪૪ સામાન્ય બેઠકો માટેના ઉમેદવારોનો સમાવેશ થાય છે. જાતિ સંતુલનને ધ્યાનમાં રાખીને, પાર્ટીએ અત્યંત પછાત વર્ગો (૧૬ હિન્દુ અને ૧ મુÂસ્લમ), અન્ય પછાત વર્ગોમાંથી ૧૧, સામાન્ય શ્રેણીમાંથી ૯ અને લઘુમતી શ્રેણીમાંથી ૭ ઉમેદવારોને મેદાનમાં ઉતાર્યા છે. વધુમાં, વાલ્મીકીનગર વિધાનસભા બેઠક પરથી અનુસૂચિત જનજાતિના ઉમેદવારને ટિકિટ આપવામાં આવી છે.
