ભારત સરકારે અમેરિકા અને ઈરાન વચ્ચે યુદ્ધવિરામનું સ્વાગત કર્યું છે. યુએસ રાષ્ટ્રપતિ ડોનાલ્ડ ટ્રમ્પે સમયમર્યાદાના દોઢ કલાક પહેલા જ યુદ્ધવિરામની જાહેરાત કરી હતી. ઈરાને તેની ૧૦-મુદ્દાની શરતો પૂર્ણ થયા પછી બે અઠવાડિયા માટે હોર્મુઝ સ્ટ્રેટમાંથી સુરક્ષિત માર્ગ પૂરો પાડવા માટે પણ સંમતિ આપી છે.
અમેરિકા અને ઈરાન વચ્ચે યુદ્ધવિરામની જાહેરાત પછી ભારત સરકારની પહેલી પ્રતિક્રિયા આવી છે. વિદેશ મંત્રાલયે યુદ્ધવિરામનું સ્વાગત કરતું નિવેદન જારી કર્યું છે. વિદેશ મંત્રાલયે જણાવ્યું હતું કે, “અમે આ યુદ્ધવિરામનું સ્વાગત કરીએ છીએ અને આશા રાખીએ છીએ કે તે પશ્ચિમ એશિયામાં કાયમી શાંતિ તરફ દોરી જશે. જેમ આપણે સતત ભાર મૂક્યો છે તેમ, ચાલુ સંઘર્ષનો વહેલાસર અંત લાવવા માટે તણાવ ઓછો કરવો, વાતચીત કરવી અને રાજદ્વારી પગલાં લેવા જરૂરી છે.”
નિવેદનમાં વધુમાં કહેવામાં આવ્યું છે કે, “આ સંઘર્ષે પહેલાથી જ લોકોને ભારે દુઃખ પહોંચાડ્યું છે અને વૈÂશ્વક ઉર્જા પુરવઠા અને વેપાર નેટવર્કને ખોરવી નાખ્યા છે. અમને આશા છે કે હોર્મુઝ સ્ટ્રેટ દ્વારા નેવિગેશનની અવિરત સ્વતંત્રતા અને વૈશ્વીક વાણિજ્યનો પ્રવાહ જળવાઈ રહેશે.”
દરમિયાન, યુદ્ધવિરામની જાહેરાત પછી હોર્મુઝ સ્ટ્રેટ ફરી ખુલી રહ્યું છે. ભારત સરકાર દ્વારા આપવામાં આવેલી સત્તાવાર માહિતી અનુસાર, હાલમાં ૧૬ ભારતીય જહાજા પર્શિયન ગલ્ફમાં લંગરાયેલા છે, જેમાં ૪૩૩ ફસાયેલા ખલાસીઓ છે. આ જહાજા હવે ટૂંક સમયમાં રવાના થવાની તૈયારી કરી રહ્યા છે. આ જહાજાને ભારત પહોંચવામાં ત્રણથી એક અઠવાડિયાનો સમય લાગી શકે છે.
ટ્રમ્પે સમયમર્યાદાના દોઢ કલાક પહેલા યુદ્ધવિરામની જાહેરાત કરી હતી. સોશિયલ મીડિયા પોસ્ટમાં યુદ્ધવિરામની જાહેરાત કરતા ટ્રમ્પે જણાવ્યું હતું કે ઈરાન સાથેના તમામ વિવાદિત મુદ્દાઓ પર સંમતિ સધાઈ ગઈ છે અને બે અઠવાડિયામાં સમાધાન માટેનો પ્રસ્તાવ અંતિમ સ્વરૂપ આપવામાં આવશે. ટ્રમ્પે દાવો કર્યો હતો કે ઈરાન હોર્મુઝ સ્ટ્રેટ ખોલશે. આ ખાતરી તેમને પાકિસ્તાનના વડા પ્રધાન શાહબાઝ શરીફ અને ફિલ્ડ માર્શલ અસીમ મુનીરે આપી હતી. ટ્રમ્પે જણાવ્યું હતું કે અમેરિકાએ પહેલાથી જ તમામ લશ્કરી ઉદ્દેશ્યો પ્રાપ્ત કર્યા છે અને તેને પાર કરી દીધા છે. તેમણે જણાવ્યું હતું કે તેમને ઈરાન તરફથી ૧૦-મુદાનો પ્રસ્તાવ મળ્યો છે, જે વાટાઘાટો માટે એક વ્યવહારુ આધાર પૂરો પાડે છે.
