દિલ્હીના મુખ્યમંત્રી રેખા ગુપ્તાએ સ્પષ્ટતા કરી કે પાર્ટી મ્યુનિસિપલ કોર્પોરેશન પેટાચૂંટણીઓમાં ૧૨ બેઠકો પર ચૂંટણી લડશે. આ ચૂંટણીઓને દિલ્હીના સર્વાંગી વિકાસ તરફ એક મહત્વપૂર્ણ પગલા તરીકે જાવામાં આવી રહી છે. તેમણે કહ્યું કે છેલ્લા કેટલાક વર્ષોમાં દિલ્હીએ જે મુશ્કેલીઓનો સામનો કર્યો છે તેનો ઉકેલ લાવવાનો સમય આવી ગયો છે.એમસીડી પેટાચૂંટણીઓ પર, મુખ્યમંત્રી રેખા ગુપ્તાએ કહ્યું, “લોકોના આશીર્વાદ, લોકોનો પ્રેમ અને લોકોની સેવાની ભાવના એ અમારું મિશન છે. અમે દિલ્હીમાં ૧૨ બેઠકો પર ચૂંટણી લડીશું. દિલ્હીએ વર્ષોથી જે મુશ્કેલ પરિસ્થિતિઓનો સામનો કર્યો છે, હવે ધીમે ધીમે તેનો ઉકેલ લાવવાનો સમય આવી ગયો છે. ભાજપ આ ૧૨ બેઠકો જીતે તે જરૂરી છે. પાછલી સરકારોએ ફક્ત રાજકારણ રમ્યું.મુખ્યમંત્રી રેખા ગુપ્તાએ ભાર મૂક્્યો કે ભાજપનું પ્રાથમિક લક્ષ્ય ‘વિકસિત અને સ્વચ્છ દિલ્હી’ બનાવવાનું છે, જ્યાં દરેક વોર્ડ સુંદર અને વિકસિત હોય. તેમણે કહ્યું, “અમે દિલ્હીનો દરેક વોર્ડ સુંદર અને વિકસિત ઇચ્છીએ છીએ. પાછલી સરકારોએ ફક્ત રાજકારણ રમ્યું, પરંતુ અમે વિકાસ પર ધ્યાન કેન્દ્રિત કરવા માંગીએ છીએ.” આ નિવેદન આગામી પેટાચૂંટણીઓમાં પાર્ટીના એજન્ડાને સ્પષ્ટ કરે છે, જે શહેરી માળખાગત સુવિધાઓ, સ્વચ્છતા અને સુંદરીકરણ પર ધ્યાન કેન્દ્રિત કરશે.બિહાર ચૂંટણીઓ વચ્ચે, મુખ્યમંત્રી રેખાએ કહ્યું કે દિલ્હીનો વિકાસ થશે. બિહાર પણ પ્રગતિ કરશે કારણ કે દિલ્હી અને બિહાર વચ્ચેનો સંબંધ હૃદય અને આત્મા જેવો છે. આ ટિપ્પણી બંને પ્રદેશો વચ્ચેના મજબૂત સંબંધોને પ્રતિબિંબિત કરે છે અને સૂચવે છે કે દિલ્હીનો વિકાસ પણ બિહારના વિકાસ સાથે જાડાયેલો છે.
