અમરેલી જિલ્લાના કેટલાક વિસ્તારમાં લોકોએ હળવો ભૂંકપનો આંચકો અનુભવ્યો હતો. આ ભૂકંપની અસર સાવરકુંડલા અને ધારી સુધી જોવા મળી હતી. જેના કારણે ગ્રામજનોમાં ભયનો માહોલ ફેલાયો હતો. અમરેલીમાં સવારે ૫.૫૧ વાગ્યાની આસપાસ ભૂકંપનો આંચકો અનુભવાયો હતો. રિક્ટર સ્કેલ પર ભૂકંપના આંચકાની તીવ્રતા ૨.૫ નોંધાઈ છે. અમરેલી ડિઝાસ્ટર વિભાગ ભૂકંપથી અજાણ છે, જ્યારે ગાંધીનગર સિસ્મોલોજી વિભાગે ભૂકંપના આંચકા આવ્યાની પુષ્ટિ કરી છે સાથે જ જણાવ્યું કે, ભૂકંપનું કેન્દ્રબિંદુ અમરેલીથી ૪૨ કિલોમીટર દૂર દક્ષિણમાં છે. અમરેલી જિલ્લાના કેટલાક વિસ્તારમાં વહેલી સવારે ભૂકંપનો આંચકો આવ્યો હતો. વહેલી સવારે કડકડતી ઠંડીમાં ઊંઘી રહેલા લોકોએ આંચકાનો અનુભવ કર્યો, આથી તેઓ તાત્કાલિક ઘરની બહાર દોડી આવ્યા હતા. ભૂંકપના આંચકાથી લોકોમાં ભય ફેલાયો હતો.
