અમરેલી જિલ્લામાં મેઘમહેર યથાવત છે જે દરમિયાન આજે જિલ્લાના મોટાભાગના વિસ્તારોમાં ઉઘાડ થતા જિલ્લાભરના ખેડૂતો વાવણીકાર્યમાં જોડાઇ ગયા છે અને હજુ પણ સારા વરસાદની આશા જાવા મળી રહી છે. દરમિયાનમાં આજે ધારી પંથકમાં ધોધમાર વરસાદ પડ્યો હતો. ધારી ગીર કાંઠાના સરસીયા, છતડીયા, હુડલી, ઝર, મોરઝર, ગોપાલગ્રામ સહિત ચલાલા આસપાસના ગામોમાં ભારે વરસાદ પડ્યો હતો. ઉપરાંત દલખાણીયા, ગોવિંદપુર અને બોરડીમાં પણ મેઘમહેર જોવા મળી હતી. બીજી તરફ રાજુલા-જાફરાબાદ પંથકમાં હજુ મેઘરાજા રાહ જોવડાવી રહ્યા છે.
