અમરેલી જિલ્લામાં નશામાં ચૂર થઈને ફરતાં ૪૨ ઇસમો પકડાયા હતા. પોલીસે ભીંગરાડ, લાઠી, જોલાપર ગામના પાટીયા પાસે, મજાદર ગામના પાટીયા પાસે, જાફરાબાદ, વંડા. ચલાલા, વિકટર ચેકપોસ્ટ, બાબરા, ટીંબી
ચેકપોસ્ટ, રાજુલા, સાવરકુંડલા, વાવેરા, લોકા, લીલીયા, ધારી, બગસરા, આંબરડી, વિજપડી, મોટા ઝીંઝુડા, અમરેલી સહિતની જગ્યાએથી ૪૨ લોકોને પાસ પરમીટ વગર કેફી પીણું પીધેલી હાલતમાં ઝડપીને ધોરણસરની કાર્યવાહી કરી હતી. સાવરકુંડલામાં એક મહિલાના રહેણાંક મકાનથી દેશી દારૂ બનાવવાનો સાત લીટર આથો રેઇડ દરમિયાન મળ્યો હતો. જિલ્લામાં વિવિધ સ્થળેથી ૪૯ લોકો પાસેથી પાસ પરમીટ વગર પીવાનો દેશી દારૂ મળી આવ્યો હતો. પોલીસે દેશી દારૂ સહિત પ્રોહિબીશન મુદ્દામાલ જપ્ત કર્યો હતો. રાજુલા રેલવે સ્ટેશન પાસેથી એક યુવક પાસેથી ભારતીય બનાવટના પરપ્રાંતના દારૂની એક બોટલ મળી હતી.