વિશ્વ પર્યાવરણ દિન નિમિત્તે સામાજિક વનીકરણ અમરેલી દ્વારા જિલ્લા કક્ષાનો વૃક્ષારોપણ કાર્યક્રમ કલેકટર ગૌરાંગ મકવાણાની ઉપસ્થિતિમાં યોજાયો હતો. શહેરના લાઠી રોડ પર આવેલ ડા. કલામ ઈનોવેટિવ સ્કૂલ ખાતે યોજાયેલા કાર્યક્રમમાં કલેકટરે ઔષધિય છોડ સહિતના ૭૫ વૃક્ષોના છોડનું એકસાથે વૃક્ષારોપણ કર્યુ હતું. જિલ્લા કલેક્ટરે પર્યાવરણ દિન નિમિત્તે જિલ્લાના નાગરિકોને ગ્રીન કવર વધારવામાં સહભાગી થવા અનુરોધ કર્યો હતો. પર્યાવરણની જાળવણી માટે વધુમાં વધુ વૃક્ષારોપણ કરવા માટે જિલ્લાના નાગરિકોને સહકાર આપવા તેમણે જણાવ્યુ હતું. આ ઉપરાંત ઈવીએમ વેરહાઉસ, અમરેલી અને ફાયર શાખા, નગરપાલિકા અમરેલી ખાતે પણ વૃક્ષારોપણ કાર્યક્રમ યોજવામાં આવ્યા હતા.