અમરેલીમાં લોકસભાની ચૂંટણીમાં વધુમાં વધુ મતદાન થાય તે અંગે અમરેલી નગરપાલિકા દ્વારા મતદારોને મતદાન
અર્થે જાગૃત કરવામાં આવી રહેલ છે ત્યારે આવતીકાલ તા.૪ મેના રોજ ફોરવર્ડ હાઈસ્કૂલના મેદાન ખાતે રન ફોર વોટનું આયોજન કરવામાં આવેલ છે. અમરેલી નગર પાલિકાના ચીફ ઓફિસર એચ.કે.પટેલે જણાવ્યું હતું કે, અમરેલી શહેરમાં ૭ મેના રોજ યોજાઈ રહેલ લોકસભાની ચૂંટણીમાં વધુમાં વધુ મતદારો જાગૃતિ દાખવી મતદાન કરે તે દિશામાં ચૂંટણી પંચ દ્વારા દરરોજ અવનવા કાર્યક્રમ યોજવા તાકીદ કરવામાં આવી રહેલ છે. મતદારો વધુમાં વધુ મતદાન કરે તે માટે તા.૪ મેના રોજ સાંજના ૬ કલાકે અમરેલી ફોઈવર્ડ સ્કૂલ ખાતે આવેલ વિશાળ ગ્રાઉન્ડ ઉપર રન ફોર વોટનું આયોજન કરવામાં આવેલ છે. જેમાં શહેરીજનોએ બહોળી સંખ્યામાં ઉપસ્થિત રહેવા અપીલ કરવામાં આવી છે.