અમરેલી લોકસભા મતદાર વિભાગના ઉમેદવારને તેમના લોકપ્રતિનિધિત્વ અધિનિયમ-૧૯૫૧ની કલમ-૭૭ મુજબ ચૂંટણી લડતા દરેક ઉમેદવારને તેનું નામાંકન થયા તારીખથી તેનું પરિણામ જાહેર થાય તે તારીખ, બન્ને તારીખો સહિત વચ્ચે ઉમેદવાર અથવા ઉમેદવારના ચૂંટણી એજન્ટ દ્વારા ચૂંટણીના સંદર્ભમાં કરેલા તમામ ખર્ચનો, ઉમેદવાર અથવા ઉમેદવારના ચૂંટણી એજન્ટે હિસાબ રાખવાના હોય છે. ચૂંટણી ખર્ચના હિસાબ રાખવા માટેના નિયત ચૂંટણી ખર્ચ રજિસ્ટર ઉમેદવારોને આપવામાં આવે છે. ચૂંટણી પ્રચારના સમયગાળા દરમિયાન ઉમેદવારના ખર્ચ રજિસ્ટરમાં દર્શાવવામાં આવેલા રોજેરોજના હિસાબની ઓછામાં ઓછી ત્રણ વખત તપાસણી કરાવવાની રહે છે. ભારતના ચૂંટણીપંચ દ્વારા નિયુક્ત કરવામાં આવેલા ખર્ચ નિરીક્ષક કે અધિકૃત અધિકારીને ચૂંટણી ખર્ચને લગતી આ બાબતો રજૂ કરવાની રહે છે. આથી ઉમેદવારોએ ચૂંટણી ખર્ચના રોજેરોજના હિસાબોની તપાસણી માટે ચૂંટણી ખર્ચ રજિસ્ટર, ક્રમસર ગોઠવેલા વાઉચર સહિતના દસ્તાવેજો અને વિગતો સાથે તા.૪ મે, ૨૦૨૪ના રોજ સવારે ૧૧ વાગ્યે અમરેલી જિલ્લા પંચાયત કચેરીના વીડિયો કોન્ફરન્સ હોલ ખાતે ઉપસ્થિત રહેવા જિલ્લા ચૂંટણી અધિકારી અને જિલ્લા કલેકટરની એક અખબારી યાદીમાં જણાવાયું છે.
