સોનાની દાણચોરીના કેસમાં સંડોવાયેલી કન્નડ અભિનેત્રી રાણ્યા રાવની જામીન અરજી પર બેંગલુરુ સેશન્સ કોર્ટ ૨૭ માર્ચ (ગુરુવાર) ના રોજ પોતાનો ચુકાદો સંભળાવશે. આજે કોર્ટમાં જામીન અરજી પર ચર્ચા થઈ. ડિરેક્ટોરેટ ઓફ રેવન્યુ ઇન્ટેલિજન્સએ રાણ્યા રાવના જામીન સામે વાંધો ઉઠાવ્યો છે.
ડીઆરઆઈએ જણાવ્યું હતું કે બચાવ પક્ષ દ્વારા કરવામાં આવેલા પ્રક્રિયાગત ભૂલોના આરોપો સંપૂર્ણપણે પાયાવિહોણા છે. કસ્ટમ્સ એક્ટની કલમ ૧૦૨ મુજબ સમગ્ર પ્રક્રિયાનું પાલન કરવામાં આવ્યું છે. ડીઆરઆઈએ કોર્ટને જણાવ્યું હતું કે તપાસના પહેલા તબક્કામાં આરોપીઓ તરફથી કોઈ સહયોગ મળ્યો નથી. આરોપી રાણ્યા અને તરુણ રાજુ બંનેએ બેંગ્લોરમાં વીરા ડાયમંડ્સ નામની કંપની શરૂ કરી હતી.
આ સાથે, ડીઆરઆઈએ કોર્ટને જણાવ્યું હતું કે તપાસમાં જાણવા મળ્યું છે કે સોનું ખરીદવા માટેના પૈસા આરોપી નંબર ૧ રાણ્યા રાવે હવાલા ચેનલ દ્વારા ગોઠવ્યા હતા. ડીઆરઆઈએ કહ્યું, ‘અમે આરોપી-૧ અને આરોપી-૨ (તરુણ રાજુ) વિરુદ્ધ પૂરતા પુરાવા પૂરા પાડ્યા છે.’
કોર્ટ પાસે ચાર્જશીટ દાખલ કરવા માટે ૬૦ દિવસનો સમય છે. દરમિયાન, રાણ્ય રાવના કેસમાં તપાસ હજુ પણ ચાલુ હોવાથી ડીઆરઆઈએ તેમના જામીનનો સખત વિરોધ કર્યો.
સોનાની દાણચોરીનો મામલો ત્યારે ચર્ચામાં આવ્યો જ્યારે ૩ માર્ચ ૨૦૨૫ ના રોજ, ડિરેક્ટોરેટ ઓફ રેવન્યુ ઇન્ટેલિજન્સ દ્વારા તેમને બેંગલુરુના કેમ્પેગૌડા ઇન્ટરનેશનલ એરપોર્ટ પર દુબઈથી પરત ફરતી વખતે ધરપકડ કરવામાં આવી. તેની પાસેથી લગભગ ૧૪.૮ કિલો સોનું મળી આવ્યું હતું. તેની કિંમત ૧૨.૫૬ કરોડ રૂપિયા જણાવવામાં આવી છે.
અભિનેત્રી રાણ્યા રાવ કર્ણાટકના વરિષ્ઠ આઇપીએસ અધિકારી અને ડીજીપી રેન્કના પોલીસ અધિકારી રામચંદ્ર રાવની સાવકી પુત્રી છે. તપાસમાં જાણવા મળ્યું કે તેઓએ પોતાના શરીર પર સોનું ચોંટાડીને દાણચોરી કરવાનો પ્રયાસ કર્યો હતો. રાણ્યાએ ૨૦૧૪ માં કન્નડ ફિલ્મ ‘મારીકોંડાવરી’ થી ફિલ્મી કરિયરની શરૂઆત કરી હતી. આ પછી ‘પટાકી’ (૨૦૧૭) જેવી બીજી ઘણી ફિલ્મો આવી
