ઉત્તર અફઘાનિસ્તાનમાં એક જોણીતા ડાક્ટરનું અપહરણ કરીને હત્યા કરવામાં આવી હતી. વ્યવસાયે ડોક્ટર અને મનોચિકિત્સક મોહમ્મદ નાદર અલેમીનું બે મહિના પહેલા મઝાર-એ-શરીફ શહેરમાંથી અપહરણ કરવામાં આવ્યું હતું. તેમના અપહરણકર્તાઓએ તેને છોડાવવા માટે ખંડણીની માંગણી કરી હતી. તેમના પુત્ર રોહિન અલેમીએ શુક્રવારે આ માહિતી આપી હતી.
તેમણે કહ્યું કે આખરે પરિવારે તેને ૩૫૦,૦૦૦ ચૂકવ્યા. જો કે, પ્રારંભિક ખંડણીની માંગ બમણી કરતાં વધુ હતી. તેમના પુત્રએ જણાવ્યું કે ખંડણીના પૈસા મળ્યા છતાં અપહરણકર્તાઓએ અલેમીની ગોળી મારીને હત્યા કરી દીધી અને તેમનો મૃતદેહ રસ્તા પર છોડી દીધો.
રોહેન અલેમીએ કહ્યું, “મારા પિતાને ખૂબ જ ત્રાસ આપવામાં આવ્યો હતો. તેના શરીર પર ઉઝરડા છે.” અલેમી, વ્યવસાયે મનોચિકિત્સક, મઝાર-એ-શરીફમાં સરકારી પ્રાંતીય હોસ્પિટલ માટે કામ કરતા હતા. તેમની પાસે એક ખાનગી ક્લિનિક પણ હતું, જે શહેરનું પ્રથમ ખાનગી મનોચિકિત્સક ક્લિનિક હોવાનું કહેવાય છે. તાલિબાનના ગૃહ મંત્રાલયના પ્રવક્તા સઈદ ખોસ્તીએ જણાવ્યું હતું કે તાલિબાન દળોએ આઠ શંકાસ્પદ અપહરણકારોની ધરપકડ કરી છે. તેમની પૂછપરછ કરવામાં આવી રહી છે. મંત્રીના જણાવ્યા અનુસાર, અપહરણ કરાયેલા બે લોકોને બચાવી લેવામાં આવ્યા છે, પરંતુ અલેમીની પહેલા જ હત્યા કરવામાં આવી હતી. ધરપકડ કરાયેલા આઠ લોકોના અન્ય બે સહયોગીઓને પોલીસ શોધી રહી છે. જેમને તેણે ડોક્ટરની હત્યા કરી હોવાનું મનાય છે.