મહારાષ્ટ્રના પુણેમાં કથિત જમીન કૌભાંડ વેગ પકડી રહ્યું છે. જ્યારે વિપક્ષ સરકાર પર સવાલ ઉઠાવી રહ્યું છે, ત્યારે પોલીસે હવે આ મામલે કેસ દાખલ કર્યો છે. પોલીસે અજિત પવારના પુત્ર પાર્થ પવારની કંપનીના ડિરેક્ટર અને તેમના સંબંધી દિગ્વિજય પાટીલ તેમજ બે સરકારી અધિકારીઓ સામે આ કેસ દાખલ કર્યો છે. આ સમગ્ર મામલો સ્ટેમ્પ ડ્યુટી ચોરી અને છેતરપિંડીનો છે.વિપક્ષ લાંબા સમયથી આ મામલે કાર્યવાહીની માંગ કરી રહ્યું છે.એસઆઇટી તપાસની પણ માંગ કરવામાં આવી હતી. આ કારણે આ કેસ નોંધવામાં આવ્યો છે.મહારાષ્ટ્રના નાયબ મુખ્યમંત્રી અજિત પવારના પુત્ર પાર્થ પવાર સાથે સંકળાયેલા જમીન કૌભાંડના સંદર્ભમાં પુણે પોલીસે એફઆઇઆર દાખલ કરી છે. ત્રણ લોકો પર આરોપ મૂકવામાં આવ્યા છે. આમાં શીતલ તેજવાણી (જે પાર્થ પવારનું પાવર ઓફ એટર્ની ધરાવે છે), દિગ્વિજય પાટીલ (અમાડિયા એન્ટરપ્રાઇઝના અન્ય ભાગીદાર) અને રજિસ્ટ્રાર રવિન્દ્ર તરુનો સમાવેશ થાય છે.પાર્થ પવાર પર પુણેના મંડવા વિસ્તારમાં ૧૮૦૦ કરોડ રૂપિયાની સરકારી જમીન માત્ર ૩૦૦ કરોડ રૂપિયામાં ખરીદવાનો આરોપ છે. અમાડિયા એન્ટરપ્રાઇઝના બે ભાગીદારો છે, જેમાંથી એક પાર્થ પવાર છે. એવો આરોપ છે કે આખું કામ ૨૧ કરોડ રૂપિયાની સ્ટેમ્પ ડ્યુટી માટે માત્ર ૫૦૦ રૂપિયાની સ્ટેમ્પ ડ્યુટીનો ઉપયોગ કરીને પૂર્ણ કરવામાં આવ્યું હતું. મહારાષ્ટ્રના મુખ્યમંત્રી દેવેન્દ્ર ફડણવીસે આ મામલે તપાસના આદેશ આપ્યા છે.વિપક્ષ આ સમગ્ર મામલા અંગે સરકારને સવાલ કરી રહ્યું છે. આ કારણે મુખ્યમંત્રી દેવેન્દ્ર ફડણવીસે ગઈકાલે તપાસનો આદેશ આપ્યો હતો. જા કોઈપણ સ્તરે ગેરરીતિઓ જાવા મળશે તો કડક કાર્યવાહી કરવામાં આવશે. આ મામલે તાત્કાલિક કાર્યવાહી કરતા મુખ્યમંત્રીએ તહસીલદાર સૂર્યકાંત યેવલે અને સબ-રજિસ્ટ્રાર રવિન્દ્ર તારુને તાત્કાલિક અસરથી સસ્પેન્ડ કર્યા હતા.
