બિહાર, યુપી, હરિયાણા સહિત દેશના ઘણા રાજ્યોમાં અગ્નિપથ યોજનાનો વિરોધ ચાલી રહ્યો હોવા છતાં આજે અગ્નિવીરોની ભરતી માટે નોટિફિકેશન બહાર પાડવામાં આવ્યું છે.તમે ભારતીય સેનાની વેબસાઇટ joinindianarmy.nic.in પર જઈને આ સૂચના ડાઉનલોડ કરીને માહિતી મેળવી શકો છો. નોટિફિકેશન મુજબ ઓનલાઈન રજીસ્ટ્રેશન જુલાઈથી શરૂ થશે. આ ભરતીમાં ૮મા, ૧૦મા અને ૧૨મા પાસ લોકોને અલગ-અલગ તક મળશે. ૮ પાસ લોકોને અગ્નિવીર ટ્રેડ્‌સમેન બનવાની તક મળશે.
નોટિફિકેશન અનસાર જો તમે અગ્નિવીર જનરલ ડ્યુટી માટે અરજી કરવા માંગો છો, તો ઓછામાં ઓછા ૪૫ ટકા માર્ક્‌સ સાથે ૧૦મું પાસ હોવું જરૂરી છે.આ સિવાય તમામ વિષયોમાં ૩૩% માર્કસ હોવા જરૂરી છે.આટલું જ નહીં, જે બોર્ડના વિદ્યાર્થીઓએ ગ્રેડ સિસ્ટમ ધરાવે છે, તેઓ ઓછામાં ઓછા ડી ગ્રેડ મેળવે તે જરૂરી છે. આ સિવાય ૧૨મું પાસ વિદ્યાર્થીઓ અગ્નિવીર ટેક માટે અરજી કરી શકે છે. આ માટે જરૂરી છે કે ૧૨મામાં તેમની પાસે વિષય તરીકે પીસીએમ હોવો જોઈએ. જ્યારે કોઈપણ સ્ટ્રીમમાંથી ૧૨ પાસ વિદ્યાર્થીઓ અગ્નિવીર ક્લાર્ક અને સ્ટોરકીપરની પોસ્ટ માટે અરજી કરી શકે છે. એટલું જ નહીં, ૮ અને ૧૦ પાસ કરેલા લોકોને પણ અગ્નિવીર ટ્રેડ્‌સમેન બનવાની તક મળશે.
અગ્નિવીરોની સેવાનો સમયગાળો ૪ વર્ષનો રહેશે. આર્મી એક્ટ ૧૯૫૦ હેઠળ તેમની ભરતી કરવામાં આવશે અને જરૂર પડ્યે દેશમાં ગમે ત્યાં પોસ્ટ કરી શકાશે. અગ્નવીર બનનાર કોઈપણ યુવકને પેન્શન અને ગ્રેચ્યુઈટી નહીં મળે. તેમનો કાર્યકાળ નોંધણી સાથે શરૂ થશે. ભારતીય સેનામાં અગ્નિવીરોની અલગ રેન્ક હશે. અગ્નિવીરોની નિશ્ચિત ફરજ ગમે ત્યારે બદલી શકાય છે. અગ્નિવીરોને જરૂરિયાત મુજબ કોઈપણ રેજિમેન્ટ અને યુનિટમાં તૈનાત કરી શકાય છે. આ સિવાય કોઈપણ પ્રદેશમાં ટ્રાન્સફર કરી શકાય છે.
તાલીમ સહિત અગ્નિવીરોની સેવાનો સમયગાળો ૪ વર્ષનો રહેશે. જે બાદ તેમને સેના તરફથી ૧૧ લાખ રૂપિયાના સર્વિસ ફંડ પેકેજ સાથે વિદાય આપવામાં આવશે. આ ૧૧ લાખ રૂપિયામાંથી ૫ લાખ રૂપિયાની રકમ તેમની સેવા દરમિયાન મળેલા પગારના હિસ્સામાંથી કાપવામાં આવશે. આ ઉપરાંત, સરકાર દ્વારા સમાન રકમ જમા કરવામાં આવશે અને તેના વ્યાજને ઉમેરીને, કુલ રકમ ૧૧ લાખ રૂપિયા થશે. અગ્નિવીરોને ભૂતપૂર્વ સૈનિકો માટે એક્સ-સર્વિસ મેન હેલ્થ સ્કીમનો લાભ મળશે નહીં. આ સિવાય કેન્ટીનની સુવિધા અને ભૂતપૂર્વ સૈનિકનો દરજ્જા પણ ઉપલબ્ધ રહેશે નહીં. આ સિવાય આૅફિશિયલ સિક્રેટ એક્ટ, ૧૯૨૩ હેઠળ, તેઓ સેવા દરમિયાન સેના વિશેની કોઈપણ સંવેદનશીલ માહિતી કોઈને પણ શેર કરી શકશે નહીં.
માત્ર ૨૫ ટકા અગ્નિવીરોને ૪ વર્ષની સેવા પછી નિયમિત સૈનિક તરીકે પસંદ કરવામાં આવશે. જો કે, અગ્નવીર બનનાર કોઈપણ વ્યક્તિને તેની પસંદગી કરવાનો અધિકાર નથી. તે સંપૂર્ણપણે ભારતીય સેનાના મેન્યુઅલ અને પરીક્ષણ પર નિર્ભર રહેશે. અગ્નવીર બનનારા લોકો માટે નોટિફિકેશનમાં મોટી જોહેરાત કરવામાં આવી છે કે હવે તેમાંથી નિયમિત સૈનિકોની ભરતી કરવામાં આવશે.
અગ્નિવીરોને પ્રથમ વર્ષમાં દર મહિને રૂ. ૩૦,૦૦૦નો પગાર મળશે. ભથ્થાં અલગ હશે. બીજો વર્ષે ૩૩,૦૦૦ પ્રતિ માસ પગાર અને ભથ્થા અલગથી આપવામાં આવશે. ત્રીજો વર્ષે અગ્નિવીરોનો પગાર વધીને રૂ. ૩૬,૫૦૦ થશે. ચોથા અને અંતિમ વર્ષમાં અગ્નિવીરોનો પગાર મહિને ૪૦,૦૦૦ રૂપિયા થશે.
અગ્નિવીર તરીકે કામ કરતા લોકોને ૪૮ લાખ રૂપિયાનું વીમા કવચ મળશે. કોઈપણ અકસ્માતના કિસ્સામાં તેમને આ લાભ મળશે. આ સિવાય કમનસીબે જો તેઓ સેવાના સમયગાળા દરમિયાન શહીદ થાય છે તો પરિવારને ૧ કરોડ રૂપિયાનું ફંડ મળશે.